Roniştişê hukmkerdişê polîso ke Kemal Kurkutî qetil kerd ame kerdene 

2020-06-16 16:41:18


	 

	 

	AMED - Roniştişê dewaya polîso ke Kemal Kurkut qetil kerd, ame kerdene. Polîso kiştox pê bahaneya 'karantîna' tewrê roniştişî nêbi. Roniştiş ame taloqkerdene.

	 

	Serra 2017î de wendekarê zanîngehî Kemal Kurkut wexto ke tewrê Newroza Amedî bi hetê polîsê tirkî Y.Ş.yî ra pê zanayîşî amebi kiştene. Polîsê kiştoxî rê sûcê 'kiştişê pê zanayîşî' ra dewa amebî akerdene. Roniştişê 10. yê dewa Mehkemeya Cezaya Girane ya 7. de ame dîyene.

	 

	Dewa taloq ameye kerdene

	 

	Polîso kiştox Y. Ş. pê îdîaya ke vîrusê Korona ra karantîna de yo tewrê roniştişê dewa nêbi. Kekê Kemalî Ferhat Kurkut û avûkatê Kurkutî Mehmet Emîn aktar, Sîdar avşar û Zeyne Işik tewrê roniştişî bîyî. Dozgerî pare kerd ke polîso kiştox seba ke çeka xo bêkontrol xebitna û 'pê zanayîşî bi sebebê mergê merdimêkî' wa bêro cezakerdene.

	 

	Heyetê mehkeme roniştiş taloqê 22ê êlule kerd.