'Ma do vera xespkerdişê îradeyî têkoşînê demokrasî girs bikerê' 

2020-06-16 15:00:54


	 

	AMED - Hemsereka HDPyî ya Amedî Hulya Alokmene verê rayrayîşo ke do Amed de bêro kerdene, veng da û vat: "Ma vera kesê ke îradeyê şarî xesp kenê û hêriş kenê, têkoşînê xo yê demokrasî girs bikerê."

	 

	HDPyî dimayê ke parlamenterîya parlamenterê HDPyî Leyla Guven û Musa Farîsogullari ame fînayene û ameyî destbendkerdene ra dima, qerarê 'Rayrayîşê Demokrasî yê vera Darbeyî’ girewt û çarçewaya nê de serdayîşê şarî zî benê. Startê rayrayîşî vizêr Edîrne û Colemêrgî de ame dayene û HDPyijî ke waştêne derbazê Edîrne bibê rastê hêrişê polîsan ameyî û xeylêk kesî ameyî destbendkerdene. Şaristanê serê guzergahê rayrayîşî zî yê seke Kocaelî, Wan, Tekîrdagî zî dekewtiş û vejîyayîş ameyî qedexekerdene.

	 

	Çarçewaya bernameyî de pêvînayîşê şarî ameyî kerdene

	 

	Baskê rayrayîşê do Colemêrg de dest pêbikero, 17ê Hezîrane de Wan ra vejîyê û 18ê Hezîrane de bêrê Amed. Dimayê pêşwazîkerdişê Amedî ra dima, do merkez û qezayan de pêvînayîş şarî bi ca bêrê û 19ê Hezîrane de heyetêk do kome dir şêro Edene. Hemsereka HDPyî ya Edeneyî Hulya Alokmene, da zanayene ke çarçewaya bernameyê rayrayîşî de bi rojan o amadekarîyan kenê û çarçewaya nê de şarê qeza û dewan dir ameyê têhet û bi esnafan dir ameyê têhet.

	 

	'Ma seba şarê xo bî partîyêka akerde'

	 

	Hulya, dîyar kerde ke xebate û serdayîşê ke kenê ganî tena çarçewaya bernameyî de nêrê destgirewtene û vat: "Bi mengan o ma seke HDPyijan bajar de xebate xo kenê, danê berê şarê xo ro û waştiş û rexneyê înan goşdarî kenê. Bi kampanyaya dir ma hîna çalak kerd. Ma şarî dir xeylêk munaqeşeyî kerdî. Ma her şert û mercî de seb şarê xo bî partîyêka akerde. Na partîya înan a. Her îdarekar, her parlamenter û her endamêke ci şar bi xo yo."

	 

	'Ma vera darbeyî vengdayîşê têkoşînî kenê' 

	 

	Hulya bale ante serê hêrişê ke yenê kerdene û vat: "Tayînkerdişê qeyûman, vistişê parlamenteran, astengkerdişê xebatê ‘Kampanyaya Wayûbirayî', operasyonê qirkerdişê sîyasî, hêrişê vera cinîyan. Ma do vera darbeyê hemver îradeyî û darbekerdoxan xebatê çalak bikerê. Ma veng danê şarî ke vera xespkerdişê îradeyî têkoşîn bêro pîlkerdene.