Şarê Mexmûrî: Qanûnê mîyanneteweyî îhlal kerdî 

2020-06-16 13:36:10


	 

	MEXMÛR - Şarê Kampa Multecîyan a Şehîd Rûstem Cûdîyî (Mexmûr) pê rayraşîyayîşêkê girseyî hêrişê vera Mexmûr, Şingal û Herêmanê Pawitişî yê Medya şermezar kerdî.

	 

	Hemwelatîyanê Mexmûrî verê bînaya Neteweyan ê Yewbîyayeyan a Mexmûrî de rayraşîyayîşêkê girseyî kerd. Rayrayîş verê awanîya Sazgehê Keyeyan ê Şehîdan ê Mexmûrî dest pêkerd û verê awanîya Neteweyê Yewbîyaye de peynî bi û uca de eşkerayî ame dayene. Eşkerayî hetê Hemsereka Meclîsê Şarî Çîçek Cengîze re ameye wendene.

	 

	Eşkerayîye de wina ame vatene: ''Nê hêrişî ne verên ne zî peyên ê. Her ke têkoşînê ma aver şino dewleta tirke zêdêr hêrişê ma kena. Dewleta tirke pê nê hêrişan armanc kena ke destkewteyanê kurdan û îradeyê kurdan çin bikera.

	 

	Ganî rêxistinî vera nê hîsgêr bê

	 

	Nê hêrişî ma qels nêkenê eqsê ci ma bihêz û xurtêr kenê. Ma do têkoşînê xo yê rûmetênî ra fek vera nêdê. Ma do çok nêşorê erdî ro, ma do sereyê xo nêarê war û teslîmîyet qebul nêkerê. Ma venga Hukmatê Iraqî, Hukmatê Kurdîstanî û Neteweyanê Yewbîyayeyan danê ke mesuldarîya xo bîyarê ca û verê hêrişanê dewleta tirke ya nîjadpereste bigêrê.''

	 

	Çalakîye pê slogananê 'Biciwîyo Serek Apo', 'Biciwîyo Xoverdayîşê Mexmûr û Şaranê Azadîwaştoxan' û 'Bimiro Îxanet' qedîyaye.