Hatîce Efe: Wendekaran kerdî qurbanê sektorê turîzmî 

2020-06-13 14:03:23


	 

	AMED - Sekretera Şubeyê Egîtîm Senî ya Amedî Hatîce Efe, îmtihanê unîversîta yê 27-28ê Hezîrane de bêro kerdene de ercna û dîyar kerde ke wendekaran kenê qurbanê sektorê turîzmî û sewbîna da zanayene ke domanî perwerdeyê dûrî ra zêde çîyêk nêgînê.

	 

	Semedê vîrusê korona çarçewaya tedbîran de perwerde amebi vindernayene. Wendakarê ke perwerdeyê înan ame vindarnayene, kewtî endîşeyê seba ameyoxî û wendekarê ke xo îmtihanê unîversîta amede kenê bi endîşeyîn ê. Îmtihanê Sazgehê Perwerdeyî Berzî (YKS) 27-28ê Hezîrane de bêro kerdene. Sekretera Şubeyê Hûmara 1 ê Egîtîm Senî ya Amedî Hatîce Efe, sîstemê îmtihanî û perwerdeyê dûrî ser o qisey kerde.

	 

	'Beşdarbîyayîşê wendekaran ê perwerdeyê onlîne kêm bi'

	 

	Hatîce derheqê babete de wina qisey kerde: "Semedo ke wendekarî beşdarê perwerdeyîyê dûrî bibê, ganî telefon, televîzyon, kompîtur yan zî tabletê înan bibê. Verê nê de gerek înternetê înan zî bibo. Hîn qezayanê Amedî de beşdarbîyayîşê wendekaran ê dersê onlîne zaf tay bi. Nimûne; Sûr se ra 1 bi. Kayapinar de beşdarbîyayîşê wendekaran zêde bi. Tu wext se ra se beşdarbîyayîş nêvirazya. Qezayan de dayeyê tewr kêm se ra 1 yan zî  2 Sûr û Rezan bî.”

	 

	'Domanî perwerdeyê dûrî ra zêde feyde nêgînê'

	 

	Hatîce dewam de va ke seba îmkanî tay bîyê domanî nêeşkayê beşdar bibê û vat: "Perwerdeyê bi rî de şert û mercê bêtudîştî eşkayne biameyne kamuflekerdene. La perwerdeyê dûr ra ma dî ke wendekarê dezavantaj çiqas zêde yê. Bêguman perwerdeyê bi rî tewr baş o. Perwerdeyê dûrî reyna zêde çîyêk nêdano wendekaran."

	 

	'Fekê yew kesî ra qerar yeno dayene'

	 

	Hatîce, bi vatişê seke ‘werrekna vernê de îmtihan ney, weşîya wendekaran bibayîne' ramojna û vat: "Wexto ke wezaretê perwerdeyî yan zî hukmat gamêke erzeno ganî vernê de vajo, ‘do weşîye wendekaran se bo, ma eşkenê senîn tedbîran bigîrê?' îmtihan taloq kerdî û reyna ardî vernî. Eynî wextî de gama ke kerdî zî wendekaran ra anketêk nêgirewtî, bi sazgehê komelê sivîl nêşêwirîyayî. No kêmîyêk pîl bi. Çe heyf, qerar fekê yewî ra yeno dayene."

	 

	'Domanan kenê qurbanê turîzmî'

	 

	Hatîce tewr peyîn wina vat: "Wezaretê Perwerdeyî her qerarêk dano de ganî hemkar bo. Ganî nê prosesî de motîvasyonê wendekaran kewt. No problemêko pîl ê psîkolojîk o. Wendekarî hetêk ra endîşeyê weşîye, hetêk ra zî ê îmtihanê ciwîyenê. Wendekarî bê amadekarî yê. Hêvîdar a ke rewşa wendekaran asan bikerê. Seba ke bi maske kewtişê îmtihanî zaf zehmet o. Çîyo girîng weşîya însanan o. Telafîyê îmtîhanan reyna eşkeno bêro kerdene."