'Ma do heta pynî pawitişê kultur û bîyayîşê xo bikerî' 

2020-06-12 13:44:57


	 

	HESEKÊ - Merkezê Kultur û Huner û Yewîya Ciwananê Rojawanî çadirê çalakîye dayî a û hedefgirewtişê kulturê Kurdî yê şexsî qetilkerdişê Bariş Çakanî de bi şîdet şermezar kerdî.

	 

	10ê Hezîrane de Merkezê Kultur û Hunerî yê şaristanê Hesekî û Yewîya Ciwananê Rojawanî çadirê çalakîye, Gulîstana Kawa ya taxa Miftî ya şaristanê Heseka dayî a. Çadirê çalakîye bi berardişê tarîxî û hacetê Mûzîkî ameyî xemilnayene, eynî wextî de deyîrê kulturî yê Kurdî hetê Koma Şoriş ê şaristanê Til Temirî ra ameye pêşkêşkerdene.

	 

	Kongreya Star ya Kantona Hesekî serdayîşê çadira çalakîye kerd û seba hedefgirewtişê cinîyan îzahat da, îzahat hetê Endama Komîteya Wareyê Komelî ya Kantona Hesekî  Nida Mihemede ra ame wendene.

	 

	Îzahat de wina ame vatene: "Sîstemê îqtîdar bi metodê xo hêrişê serê kultur, ziwan û tarîxê kurdan keno. Gama ke merdim biwazo neteweyêke bihelêno, hêrişê kultur û hunerê ci keno. Mesajê adeyîşê çadira çalakîye pêro hêzê îqtîdar oyo ke çiqas hêriş bikerê ma do heta peynî pawitişê kultur û bîyayîşê xo bikerê. Kesê ke ciwanê kurd Bariş Çakanî seba goşdarîkerdişê deyîranê kurdî kiştî, êdo nêeşkê kultur û hunerê kurdan çin bikerê. Ma do vera nê zîhnîyetî xo ver bidê."

	 

	Çadira çalakîye bi deyîranê kulturî yê kurdan dewam kena. Sewbîna do roja şeme de meclîs û şarê şaristan Til Temirî de serdayîş bikerê û beşdarê çalakîye bibê.

	 

	Goreyê zanayîşê ke çadira çalakîye do heta 14ê Hezîrane dewam bikero.