Sereştişê keyeyî de tehdîdê 'ma do domanî balkone ra bierzê' 

2020-06-10 15:01:08


	 

	MÊRDÎN - Qezaya Artukluyî de polîsan meşte de sereştişê keyeyî de bi sebebê ke nameyê domanî, "Egît" bi, tehdîdê 'ma do domanî balkone ra bierzê' ame kerdene. Sewbîna polîsan şîdet domanî rê kerdî. Do keye derheqê polîsan de muracatê sucî bikero.

	 

	Kuçeyê Saraçoglu yê Qezaya Artukluyî Mêrdînî de polîsan eşt serê keyeyê Endamê PMyî HDPyî Emrullah Kalkanî û polîsan Emrullahî destbend kerdî. Goreyê zanayîşanê ke keyeyî da polîsan keye serûbin kerdo û bi sebebê ke nameyê domanî "Egît" bîyo tehdîdê 'ma do to balkone ra bierzê' kerdê.

	 

	Keyeyî dîyar kerd ke sereştişê keyeyî de polîsan vera keyeyî çek anto. Goreyê zanayîşê ke ameyî girewtene, polîsan domanî ra vato ke 'nameyê to çîyo?' Domanî gama ke vato nameyê mi 'Egît' o, bi şîdetî dir rî bi rî mendo û tehdîdê 'ma do to balkone ra bierzê' kerdê.

	 

	Keyeyî ke reaksîyon vera şîdetî dayî, raporê derbî girewtî û do derheqê polîsan de muracatê sucî bikerê û muracatê ÎHDyî bikerê.

	 

	Sewbîna musayî ke serê meşte de Nisêbîn de zî polîsan sereştişê keyeyan kerdo û çar kesî ameyê destbendkerdene.