‘Polîtîkayê qirkerdiş û asîmîlasyonî dewam kenê’ 

2020-06-05 14:08:54


	 

	WAN - Îdarekara MEBYA-DERî Ceyda Dîndare, dîyar kerde ke hêrişê vera goristanan, hêrişê vera heqê kultur û ziwan, dewamê polîtîkayanê asîmîlasyon û qirkerdişî yê û va: “Şarê Kurdî, bi seserran o vera nê têkoşîn keno. Ganî ma wayîrê nê têkoşînî vejîyê.”

	 

	Îdarekara Komeleya Kulturê Paştdayîşê Hetkarîya Merdiman ê Dergûşê Şaristanîyê Mezopotamyayê Vindî kerdê (MEBYA-DER) Ceyda Dîndare derheqê hedîseyê prosesê peyînan de qisey kerde û da zanayene ke nê hêrişê ke yenê ciwîyene, parçeyêk polîtîkayê çinkerdişê vera kurdan ê.

	 

	‘Ma bî şahidê îhlalkerdişê her tewir heqî’

	 

	Ceyda, dîuar kerde ke pêro dinya hemverê virusî têkoşîn kena labelê îqtîdar vera ercê Kurdan hêriş keno û va: “Prosesê îqtîdaro bîyaye de, ma her çî dî. Cenazeyî bi kargoyan ameyî eşrawitene, cenaze bi rojan kuçeyan de mendî. Ciwano Kurd, seba ke muzîkê Kurdî goşdarî kerd ame qetilkerdene, aktîvîstê heqê cinîyan pawenê ameyî destbendkerdene. Hemverê goran hêriş ame kerdene. Prosesê vîrusê de qedexe bi ca ardî û no zî kaykerdişê sîyasî yo.

	 

	‘Wazenê vîrardişê ma vîrê ma ra berê’

	 

	Ceyda, dîyar kerde ke vera şarê Kurdan bi seserran o ke polîtîkayê qirkerdişî dewam kenê û qirkerdişê Zîlane ya 12ê Temmuze 1930 de Gelîya Zîlane ya girêdayê Erdîşî ya Wanî amebê kerdene ard vîr û wina va: “Nika zî wazenê herême de HES viraznê. Bi no hewayî zî wazenê, hişê şarî pak bikerê. Vera ciwanê Kurdan polîtîka meşnenê. La ma seke şarê Kurdî do heta peyîn wayîrê kultur û tarîxî vejîyê.”

	 

	‘Ma bi qiseykerdişê Kurdî wayîrê ziwanê xo vejênê’

	 

	Ceyda sewbîna da zanayene ke seba kurdî bêro ciwîyayîş û vila bibo qursê ziwanê kurdî akerdê û hetê qeyûman ra ameyê padayîş û wina va: “Ganî nê prosesî de yewin waştişê ma keyeyan ra oyo ke vera hêrişan bêveng nêmanê û bi domananê xo dir qetî bi kurdî qisey bikerê. Ma do eynî wextî de taqîbkerdoxê prosesê huqûqî yê îhlalkerdişê heqan bê.”