
Arêyê awe terkê qederêxo ameyo verdene 

2020-06-02 15:45:38


	&nbsp;

	Rojda Aydin

	&nbsp;

	ŞIRNEX - Serranê 90an de pêroyê dewanê dormeyê Gelîyê Çemê Dojehî ke hetê tarîx û kehenîye xeylê muhîmî, ameyî vengkerdene. Arêyo kehen zî badê vengkerdişê dewan bêwayîr ame veradayene.

	&nbsp;

	Gelîyê Çemê Dojehî ke qezaya Hezexî ya Şirnexî de ya û hetê tarîx û kehenîye xeylê muhîm a. Gelîye bi xeylê şikeftanê xo û xozaya xo yena zanayene. Nînan ra yew zî arêyê awe yo. Goreyê vatişan arê verê 150 serrî hetê misimanan ra ameyo viraştene. Wexto ke Gelîye de xeylê dewî estbî, herême de berardişê birinc, xele û swb. çîyan ameyêne kerdene. Hemwelatijê ke bi nê çîyan debara xo kerdêne xeleyê xo berdêne arêyê awe, xele arênayêne û kerdêne ard.

	&nbsp;

	Serranê 90an de pêroyê dewanê dormeyê Gelîyê Çemê Dojehî ke hetê tarîx û kehenîye xeylê muhîmî, ameyî vengkerdene. Badê vengkerdişê dewan arê bêwayîr mend û nika heme rijîyayo. Arêyê awe terkê qederêxo ameyo verdene. Gelî mabenê serranê 2015-2016î de sey ‘Herêma Asayîşo Taybet’ ame îlankerdene.

	&nbsp;

	Dewijê na herême nê serran de şer û pêrodayîşan vera nêeşkayêne beradiş bikerî. No 4-5 serranê peyênan de hemwelatijî reyna verê xo dayî Gelîyê Dojehî û tepîya agêrenî. Xeylê kesî merkez, qeza û bajaran ra zî yenî zîyaretê Gelîyê Dojehî. Hemwelatî wazenî ke wayîrê tarîx û Gelîyê Dojehî bêro vejîyayîş.&nbsp;