Cinîyê Mêrdînijan: Bi operasyonan nê eşkenê vernîya têkoşînê ma bigîrê 

2020-06-01 14:59:41


	 

	MÊRDÎN - Cinîyê Mêrdînijan reaksîyonê tepiştişê endamê Komeleya Cinîyan ê Rosa û aktîvîstê TJAyî dayî û vatî: “Têkoşînê ma bi kok o û ma xo zêde kenê. Ma do waştişê xo yê heqdar, her ca de bîyarê ziwan. Tu kes bi operasyonan nêeşkeno vernîya têkoşînê cinîyan bigîro.

	 

	22ê Gulane de merkezê ci Amed, operasyon viraştî û merkezê endamê Komeleyê Cinîyan a Rosa, aktîvîstê TJAyî û endamê Dayîkanê Aştî estbî 12 aktîvîst û siyasetmedarê cinî ameyî tepiştene. Vera nê reaksîyonî dewam kenê.

	 

	‘Cinîyan ra bitersê!’

	 

	Cinîyanê Mêrdînijan zî reaksîyon vera operasyonan dayî. Endamê Platformê Cinîyan ê Şahmeranî yê Mêrdînî Gulîzer Îpeke reaksîyon ramojna û va: “Têkoşînê sîyasî yê kurdan de cinîyê kurdan cayêko girîng de ca gênê. No têkoşîn, hetê pêro dinya ra bi rêzdarî yenê pêşwazîkerdene û açeryayo destkewtişê pîl. Coka her wext vera destkewtişan hêriş virazîya yo. Semedê nê zî her wext vera destkewtişan hêriş ameyo meydan. Eştî serê keyeyê embazan, tepişnayî. Cinîyan ra bitersê. Hele hele cinîyanê kurdan ra bitersê. Cinî do Rojhelatê Mîyanên û Tirkîya de rolê xo kay bikerê. Teda do ma nêvindarnê.”

	 

	‘Bi operasyonan waştî vengê cinîyan bibirnê’

	 

	Aktîvîsta TJAyî Sumeyye Goke zî dîyar kerde ke netîceyê operasyonan de 18 embazê înan ameyê tepiştiş û 12 hebî bi sebebê cîya ameyî tepiştene. Sumeye wina va: Cinîyan vera şîdet û hukmatî xebat û çalakî kerdî. Seba ke vera şîdetî bigîrê, vejîyenê kuçeyan. Bi nê operasyonan waştî vengê cinîyan qût bikerê. Wazenê xebatê cinîyan terorîze bikerê. Wazenê timûtim suc bivînê. Dewleta ke vengdayîşê ‘keye de bimanê’ kena, operasyonanê sîyasîyan kena. Tarîxê xoverdayîşê ma bingeyê ci kûr o. Ma do her wext kuçe û wareyan de bê. Ma do xebatanê xo dewam bikerê.”

	 

	‘Prosesê vîrusê de cinî tewr zêde ameyî qetilkerdene’

	 

	Temsîlkarê Sereka Komelaya Kultur û Hunerî ya Mezopotamyayî Sema Ozel Asîye zî da zanayene ke seke komelî prosesêko zehmet ra derbaz benê û bi taybet no proses seba cinîyan zehmet bi û wina va: “Bi vîrusî dir her kes keyeyê xo de mendî û bi nê dir zî şîdetê serê cinîyan zêde bi. Nê prosesî de cinî tewr zêde ameyê qetilkerdene û rastê şîdetî ameyî. Bi cinîyan dir domanî zî rastê eynî caardişan ameyî. Ganî şîdet werte ra wirzo. Eynî wextî de prosesî de ganî zîndanî bêrê vengkerdene.”