Aktîvîstê TJAyî: Ma do sîstem bivurnê  

2020-05-31 13:58:19


	 

	AMED - Aktîvîstê TJAyî dîyar kerdî ke îqtîdar tewr zêde cinîyan ra terseno û vat: "Ma do bi têkoşînê xo sîstem bivurnê. Heta ewro ma senîn peyser game nêeşt, ma do tîya ra tepya zî game peyser nêerzê."

	 

	Amed, Wan û Riha de çarçewaya operasyonan de 18 kesî ameyî tepiştene û derheqê 12 kesan de zî qerarê tepiştişî ame dayene. Reaksîyon û nêrazîbîyayîşê hemverê tepiştişan dewam keno. Aktîvîstê Tevgerê Cinîyanê Azadan (TJA) Elîf Haran û Berîtan Onene derheqê tepiştişan de qisey kerdî.

	 

	Elîfe da zanayene ke bi sebebê vengan ameyê destbendkerdene û vat: "No vindîkerdişê AKPyî yo. Têkoşînê cinîyan dinya de vila bîyo û rêxistinêko pîl o. Semedê zîhnîyetêko ke vano, ‘çira 8ê Adare yena organîzekerdene’ merdim eşkeno vajo çi? Demek 8ê Adare goreyê qanûnê şima suco ke şima vanê çira ameyo organîzekerdene? Vanê şima çira ‘Gulîstan Dokuye pers kenê.' Perskerdiş heqê ma yo. Nê welatî de her roje cinî yenê qetilkerdene, vindîkerdene. Tehemulê ma êdî nêmendo. Ma şexsê Gulîstane de pêro cinîyanê vindîbîyaye pers kenê. Persa, 'şima çira beşdarê çalakîyanê vera qeyûm bîyê?’ kerdê. Seba ke ma cinî vera xespkerdişê îradeyî yê."

	 

	'Ma do sîstem bivurnê'

	 

	Elîfe wina dewma kerde: "AKP û MHPyî îradeyê şarî nas nêkeno. Hemserekî destpêk de hedefê îqtîdarî de yo. Darbe dayî îradeyê şarî ro. Eynî wextî de hesab şarê ke îradeyê înan xesp kerdê, pers kenê. SMS sûc ameyê hesibnayene. Ma reyna pers kenê, goreyê kam qanûnî yo. Zîhnîyetêko serdest ê camêrdan vernîya ma de yo. Bêguman ma şaş nêmanenê. Ma do nê sîstemî bivurnê. Embazê ma yê tepişte tena nîyê. Ê zanê ke ma tebera têkoşînê înan dewam kenê."

	 

	'Ma do sere nêtewênê'

	 

	Berîtan Onene zî arde ziwan ke têkoşînê cinîyan nêeşkenê muhakeme bikerê û vat: "Cinîyan bi bedelêko pîl deskewtişê xo qezenc kerdî. Nê destkewtişn ra yew zî temsalkarîyê têduştî yo. Hemserekî bi netîceyê têkoşînê bi serran de ameyo bidestkerdene. Ewro AKP tewr zêde hêrişê temsîlkarîyê têduştî keno. Wazenê cinîyan bêveng bikerê. Nêwazenê cinî bibê wayîrê vatişî. Cinîyan ra tersenê. Heqdar ê. Wa bitersê. Seba ke ma sere nêtewênenê, wa nê baş bizanê. Ma do aqûbetê Gulîstane pers bikerê. Ma do reyanê xo tîya ra tepya hîn xurt vejê."