Ayşe Gokkane: Ma do kampanyaya xo biresnê mîlyonan 

2020-05-30 14:16:44


	 

	AMED - Verfeka TJAyî Ayşe Gokkane derheqê kampanyaya ‘paştdayîş ma dano ciwîyayîş' de qisey kerde û vat, sere de hepsîyê cinî û heme hepsîyê sîyasî binê rîskî de yê û vat, hedefê înan oyo ke kampanya biresnê bi des mîlyonan kesan.

	 

	Mîyan de rêxistinê cinîyan seke, Free Women’s Movement (TJA), Kurdish Women’s Movement – Europe (TJK-E), RONAK, CENÎ - Kurdish Women‘s Office for Peace, International Women’s Alliance (IWA), Women Democratic Front Pakîstan (WDF), Ruba odeh Palestine, Abya Yala Feminists, National Front for Egyptian Women, Moroccan Association for Progressive Women, Revolutionary Association of the Women of Afghanistan RAWA, Collective of Support for Women Prisoners in Aragon (C.A.M.P.A.), Leyla Khaled, Janet Biehl, Margaret Owen, Khadîja Ryadî, Karîma, Hafnawî, Selay Ghaffar, Weeda Ahmad, Dr. Azîz Rhalî, Atîka Ettaîfî zî estê, bi amancê paştdayîşê hepsîyan û semedê vengê înan bidê eşnawitiş, hewteya vîyarte de kampanyaya ‘piştdayîş ma dano ciwîyeyîş' dayî destpêkerdîş.

	 

	Tevgerê Cinîyanê Azadan (TJA) zî îmza eşt kampanya û veng dayî ke her kes paştdayîş bido kampanya. Verfeka TJAyî Ayşe Gokkane derheqê kampanya de zanayîş da û vengê paştdayîşî reyna kerde.

	 

	'Ganî dewlete waştişan bieşnawa'

	 

	Ayşe, dîyar kerde ke semedê hepsîyan xeylêk girîng o û da zanayene ke weşî û ciwîyayîşê hepsîyan seba vîrusî binê rîskêko cidî de yê û vat: "Coka na kampanya zaf girîng a. Ma seke TJAyî, ma do organîzasyon û kerdişê kampanya ke rêxistinê cinîyan ê mîyanneteweyî dayê destpêkerdene de rolêko girîng kay bikerê. Ma bi sazgeh, partî û rêxistinê cinîyan dir demêko derg têkilîyî de yê. Seba hepsîyê sîyasî yê seke Fîlîstîn, Misir, Pakistan û Tirkîya ke babeta ma eşkenê viraznê de munaqeşe û pêvînayîş ame kerdene. Cinîyanê dinya, reya yewino ke babetêêka de paştdayîş û rêxistinbîyayîşî de do vengê xo berz bikerê. Ganî dewletî zî wayîrê na kampanya vejîyê, waştişan bi eşnawênê."

	 

	'Cuya înan binê rîskî de ya'

	 

	Ayşe wina vat: "Kedkar, ekolojîst, sîyasetmedar, akademîsyen, wendekar û pawitoxê heqê merdiman hepsîyan dir bi merdişî dir ardê rî bi rî. Waştişê ma oyo ke semedê verdayîşê muxalîf û hepsîyê sîyasî her kes beşdarê kampanyaya bibê."

	 

	'Ma kampanya biresnê bi mîlyonan'

	 

	Ayşe tewr peyîn va ke hîrê waştişê înan estê û wina dîyar kerde ke: "Verin oyo ke vengê hepsîyan bireso teber. Ê diyîn zî heme welatan de vera polîtîkayanê zîndanan de kampanya bêrê destpêkerdene û ê hîrên zî NY, Komîsyonê Vernêgirewtişê Îşkence (CPT), Rêxistinê Efûyê Mîyanneteweyî û sazgehê semedê verdayîşê hepsîyê sîyasî raya pêroyî awan bikerê. Ma wazenê kampanya demderg biresnê serkewtiş. Ma bi ziwanê welatan kampanya pare kerd. Ma nê sazgehan ra waşt ke, îmza bierzê binê kampanya. Ganî ma bi desan mîlyonan îmzeyan kom bikerê ke bibê vengnê hepsîyan. Ma bi taybet vengdayî cinîyn. Ganî wayîrê na kampanya vejîyê û vila bikerê."