'Bi serran o çîyê ke nêvuryayê, bêcezabîyayîş bi'  

2020-05-29 13:57:17


	 

	Şehrîban Aslan

	 

	AMED - Sekretera ÎHDyî Amedî Yuksel Acar Aslane, dîyar kerde ke pêwa têkoşînê bi serran o yeno dayene, yewin çîyê ke nêvuryayê bêcezabîyayîş o û vat, mekanîzmayê hukmî dosyayê destbendkerdişî de vindîkerdiş de ‘seke hîrê meymûnan' kay kerd.

	 

	17-31ê Gulane Hewteyê Vindîbîyayeyan de, Komeleya Heqê Merdiman (ÎHD) bernameyê cîya virazneno. Sekreterê Şubeyê ÎHDyê Amedî Yuksel Acar Aslane, da zanayene ke keyeyî bi serran o têkoşîn kenê labelê dewlete bi israr gumanbaran nêvejana hemverê hukmî.

	 

	25 serrî yo têkoşînêko bi rûmet yeno meşnayene

	 

	Yuksele da zanayene ke 25 serrî yo seba gumanbarê vindîbîyayeyan bêrê vînayene têkoşîn kenê û wina vat: "1995 de hedîseyê Gazî de Hasan Ocak, destbendkerdişî de ame qetilkerdene û dima ra cenazeya ey goristan de ame vînayene. Dimayê nê çalakî dest pêkerd û 27ê Gulana 1995 de verê lîseya Galatasarayî çalakî kerdî. Dima ra bi nameyê Dayîkê Şemeyan her hewte têkoşînê xo kerdî. Heta 1999 qerarê çalakî ame dayene û nê prosesî de zî xeylêk rey rastê mudaxale û îşkenceyan ameyî. Keyeyan 1999 heta 2009 de demêko derg mabêne dayî çalakîye. 2009 de Dayîkê Şemeyî û Merdimê Vindîbîyayeyan hem verê Lîseya Galatasarayî, hem Amed, Êlih, Şirnexî de çalakî dewam kerdî. Keyeyî reyna rastê şîdetê hêzê asayîşî ameyî."

	 

	'No problem bi promlemêko zaf het ra'

	 

	Yuksele wina ard ziwan: "Pêwa heme zor û zehmetîyan têkoşîn ame kerdene û keyeyî ameyî pelçiqnayene. Problemî nêameyî çareserkerdene, xeylêk hetê ci estbî. Hetê huqûqî yê mîyanneteweyî esto. Hetê huqûqî zerre û travmayê komelî esto. Bi serran o vindîbîyayeye her hewte yenê ziwan."

	 

	'Vatî 'delîl çin o' û red kerdî'

	 

	Yuksele bale ante serê hîkayeyê ke ameyî parekerdine û wina vat: "Bi pêroyî hetê kesê ke dewlete wezîfedar kerdî û zanayîş nêameyê girewtene. Hîkayeyê vindîbîyayeyan de zî raste rast qorîcîyan ca girewto. Hîn hîkayeyan de zî hêzê paramîlîter ca girewt. Bi serran o hende çî vejîya werte, yewin çîyo ke nêvurya bêcezabîyayîş bi. Ya vatî, 'delîl çin o' yan zî înkar kerdî."

	 

	Yuksele tewr peyîn wina vat: "Mabêne dewlete û kesan de têkîlîyê girîng oyo ke ganî heqê nê welatî bêro pawitene, bikewo binê asayîşî. Ganî pêameyîşê NYyî ke kesan vera vindîbîyayîşî paweno, bê îmzekerdiş û berpirsyarîyê ci ca bîyarê."