Cinîyê ke ameyî tepiştene mesaj erşawitî 

2020-05-26 13:13:37


	 

	AMED - Îdarekar û xebatkarê Komelaya Cinîyan a Rosa, serê medyaya komelî de mesajê cinîyê ke ameybî tepiştene pare kerd.

	 

	Serdozgerîya Komare ya Amedî çarçewa tehqîqatê merkezîya Komeleya Cinîyan a Rosa de bi îdîaya ''endamîya rêxistine'' 9 cinîyî tepiştî. Cinîyanê Zîndanê Cinîyan ê Amedî ra mesajêk erşawit.

	 

	Komeleya Cinîyan a Rosa mesajê 9 cinîyan ê tepişteyan hesabê xo yê twitterî de pare kerd û vat: ''Mesajê embazanê ma yê ke 22ê gulane de ameyî destbendkerdene û dima zî ameyî tepiştene wina yo: 'Ma pêro dezgehanê cinîyan, embazan, embazanê xo yê avûkatan rê sipas kenê ke nê prosesê janî de paştî da ma û mojna ke ma pîya senî bihêz ê. Ma zanenê ke qet yew hêz çin o ke bieşko verê têkoşînê cinîyan bigêro. Ganî hol bizanê ke  se kenê wa bikerê ma do vatişê 'Kişîyayîşê cinîyan polîtîk o', 'Cinîyî haştîye wazenê' û 'Cinîye, Cuye, Azadîye' ra fek vera nêdê. Ma zanenê ke têkoşînê şima çend heqdar o.

	 

	Ma meraq mekerê, ma pêro baş ê..”