Seba hepsîyo nêweşê parkînsonî vengdayîşê edaletî 2020-05-23 14:30:31   MÊRDÎN - Xezal Çelîke seba hepsîyo nêweşê parkînsonî Ahmet Çelîkî, vengdayîşê edeletî kerde û va: “Nêeşkeno rayîra şêro, her wext hişê ey şino û yeno. Nê çîyê ke yenê kerdene, merdimayî de çin ê. Ganî bêro tahlîyekerdene.”   Dimayê vîrusê korona, rewşa hepsîyanê nêweşan seba kontrolê doktoran zahmet bi, kewte tehluke. Yew hepsîyo nêweş zî Ahmet Çelîk o û nêweşê parkînsonî yo. Xezal Çelîke da zanayene ke mêrdeyê ci Ahmet Çelîk, zîndanê Tîpê T yê Tarsusî de maneno û seba nêweşîya parkînsonî nêeşkeno rayîra şoro û nêbenê nêweşxane û derman zî nêdanê.   ‘Bi zehmetî rayîra şono’   Xezale arde ziwan ke Ahmet Çelîko ke 5 serrî yo tepişte yo û nêweşîya ci zî zîndan de vejîyaya werte û wina va: “Gama ke teber de bi, tu problemê ci çinbi. 5 serrî verê ame tepiştiş û îşkencekerdene. Dabî sereyê ey ro. Dimayê nê hişê xo vindî kerd. Ma dima cû musayî ke nêweş o. Nika bi di gampolan rayîra şono. Her wext çimê ey tarî benê. Bi xeyrê embazanê xo hewcedarîyê xo pêşwazî keno. Pêwa ke îdarekarîyê zîndanî zano zî tahlîye nêkenê. Nê çîyê ke yenê kerdene merdimayî de ca nêgînê.”   ‘Dermananê xo nêeşkeno bigîro’   Xezale dîyar kerde ke ganî qanûnê înfazî ra pêro hepsî feyde bigîrê û pêro hepsî bêrê tahlîyekerdene. Xezale wina va: “Bi nê caardişî dir îşkence hepsîyan rê kenê. Mêrdeyê mi bi serran o nêeşkeno şêro doktor. Nêeşkeno dermananê xo bigîro. Wazenê hepsî uca de bimirê. Berê doktor zî peyser açernenê. Ma wazenê ganî hepsî serbest bêrê veradayene. Qet nêbo nêweşîyêk zî bibo wa verê ma de bibo.”