
Zîndanan de hema tedbîr nêameyî girewtene 

2020-05-22 15:23:02


	&nbsp;

	MÊRDÎN - Zîndanê Tîpê E yê Mêrdînî de testê 6 gardîyanan pozîtîf vejîya û ame zanayene ke hema zî maske nêdayê hepsîyan. Dayîka lajê aye hepsî yo Kasîde Durake veng da ke ganî domanê înan serbest bêrê veradayene.

	&nbsp;

	Rojê vîyarte de zîndanê Tîpê E yê Mêrdînî de 6 gardîyanan kerdibî karantîna û xeylêk hepsîyan dir zî nîşaneyê vîrusî ame vînayene, labelê testê înan nêame kerdene û reyna eşrawitî koxuşê înan û tedbîr nêameyî girewtene.

	&nbsp;

	'Hepsî nêameyî tehlîyekerdene'

	&nbsp;

	Kasîde Durake dîyar kerde ke lajê aye 5 serrî yo hepsî yo û îfadeyê şahidanê nimte 10 serrî ceza ci rê ameya birnayene û va: "Bi hîrê mengî yo ma nêşinê pêvînayîş. Tewr peyîn geyrayî û vatî rewşa înan baş a. Dimayê ke bi gardîyanan dir vîrus vejîya, tedbîr ameyê girewtene. La maske û lepikan nêdanê domananê ma. Gelo nê rîskî senîn verê çiman de gênê. Wa seba domananê ma ganî tedbîr bêrê girewtene."

	&nbsp;

	Kasîde tewr peyîn qalîkerdişê xo de dîyar kerde ke ganî hepsî bêrê tehlîyekerdene û va: "Lajê mi bê suc zîndan de yo. Bi hezaran hepsî wina yê. Sucê înan çin o. Nika zî bi vîrusî dir têkoşîn kenê. Ganî wa domanê ma serbest bêrê veradayene."

	&nbsp;