Hemşaredara Îdirî Eylem Çelîke sewqê edlîye ameye kerdene 

2020-05-20 15:05:54


	 

	ÎDIR - Hemşaredara Îdirî Eylem Çelîka ke wezîfe ra girewtî û qeyûm tayinê vera ci kerdî, dimayê ke îfadeyê aye ê Mudurîyê Polîsan bi peynî bi, sewqê edlîye ameye kerdene. 

	 

	Hemşaredara Îdirî Eylem Çelîka ke dimayê ke wezîfe ra girewtî û tepişnayî û dima ra ke qeyûm tayînê vera ci kerdî, sewqê edlîye kerdî. Eyleme dimayê 5 rojan ke Mudurîyê Polîsan ê Îdirî de tepişnaye mende, sewqê dozgerîye kerdî. Yeno pawitene ke Eyleme îfade bido dozgerîye.

	 

	Wezîrê Karê Zereyî Suleyman Soyluyî, 15ê Gulane Roja Roşanê Ziwanê  Kurdî de Hemşaredaranê Îdirî Eylem Çelîk û Yaşar Akkuşî û hemşaredaranê Sêrtî, Hawêl, Misirc û Vartînîsî tepişnabî û qeyûm tayînê vera înan kerdibî.

	 

	Hemşaredar Yaşar Akkuş zî 18ê Gulane de bi îdîayê “Endamîya rêxistine" ra ame tepiştene.