
Seba Nûdem Durake kampanyaya mîyanneteweyîye ameye destpêkerdene 

2020-05-20 14:11:13


	&nbsp;

	&nbsp;

	MERKEZÊ XEBERAN - Seba deyîrbaza kurde Nûdeme Durak a ke Zîndanê Bayburtî de tepişte ya, merkezê Fransa de kampanyayêka mîyanneteweyîye yena kerdene. Xeylêk deyîrbaz û roşnvîrî paştî danê kampanya.

	&nbsp;

	Deyîrbaz Nûdem Durake serra 2015î ra nata tepişte ya û ci rê cezaya zîndanî ya 19 serran ameye dayene. Sûcê aye bi kurdkî vatişê deyîran o. Nûdeme 32 serre ya û Zîndanê Bayburtî de tepişte ya. Seba ke Nûdem Durake bêra veradayene merkezê Fransa de kampanyayêka mîyanneteweyîye dîyaye destpêkerdene. Çarçewa kampanya de Fransa, Îngilîstan, DYA, Swêd, Senegal, Fas, Cezayîr, Tunus, Goudeloupe û xeylêk welatan de vengê paştdayîşî ame berzkerdene.

	&nbsp;

	Kesanê namdaran ê sey Angela Davis, Noam Chomsky, Ken Loach, David Graeber, Peter Gabriel, Roger Waters seba azadîya Nûdeme veng da. Fîlozofê ekososyalîstî yê fransiz-brezîlyayîjî Michael Lowyî vat rewşa Nûdeme nêna qebulkerdene, no heqaret o û vat: ''Seba aye pêro dinya de Paris, New York, Rio, Santiago, Berlin de qirîya serewedaritişî do biba berz.''

	&nbsp;

	Kampanyaya bi nameyê ''Free Nûdem Durak'' facebook, twitter, instagram û youtube de yena caardene.&nbsp;

	&nbsp;