670 roşnvîrî: Ma Zînî Wertê de şer nêwazenê 

2020-05-19 15:20:19


	 

	MERKEZÊ XEBERAN - 670 roşnvîran selahîyetdaranê Herêma Kurdîstanî rê mektubêk erşawit û vat: ''Ma şerê birakujî nêwazenê. Eşkerayîye de ame waştene ke hêzê Zînî Wertê abigêrê pozîsyonanê xo yê verênan."

	 

	670 roşnvîran û hunermendan Wezîrê Pêşmergeyan, Serekê Parlamento, Serekê Federalî Nêçirvan Barzanî, Serekwezîr Masrûr Barzanî, Hetkarê Serekwezîr Kûbat Talabanî, Serekkomarê Iraqî û partîyanê parlementoya Başûrê Kurdîstanî rê mektubêk erşawit. Pê rayîrê e-maîlî zî Temsîlkarê Hukmatê Federalî yê Berlinî rê zî mektub erşawîya.

	 

	Do bikerê mîyanê şerê birakiştişî

	 

	Mektube de wina ame vatene: ''Ma vînenê ke dewleta tirke Başûrê Kurdîstanî de mîyanê karanê gemarinan de ya. Tarîxê na dewlete pê hêrişanê vera Kurdîstanî pirr o. Tewr peyêne na dewlete hêrişê Rojawanî kerd. Nika zî Başûrê Kurdîstanî de plano tewr bitehluke vist dewre. Zînî Wertê de seba birakujî zemînêk amade kerd. Ma bi hawayêkê eşkera vînenê ke na dewlete wazenê hêzê kurdî vera yewbînan şer bikerê û yewbînan bikişê.

	 

	Nê şerî qebul mekerê...

	 

	Ma venga pêro dezgeh, sazgeh, pêşmerge, gerîla, şerwan, partî, kesayet û welatperweranê kurdan danê ke pê tewirêkî wurzê payan ser! Vera nê kayanê dewleta tirke tewirêko hempar ganî bêro mojnayene. Hêzê ke Zînî Wertê de ameyî cakerdene ganî cade abigêrê pozîsyonanê xo yê verênan. Ma venga welatanê bînan zî danê ke nêbê hemparê plananê gemarinan ê dewleta tirke."