Hemşaredaranê Êlihî: Qeyûm şarî ceza keno 

2020-05-18 15:46:29


	 

	ÊLIH - Hemşaredaranê Êlihî Songul Korkmaz û Mehmet Demîrî reaksîyon vera caardişanê qeyûman dayî û va: “Xebatê ke serdemê ma de ameyne astengkerdene. Nika zî bi manîpulasyonê qeyûm wazenê hîn çî bêrê kerdene. La heme zanayîşî şaş ê. Ganî ma tesîso ke xeylêk wareyan de mîyanê serrêke biqedîyayîne, la seba astengîyan ma nêqedêna. Dima ra zî qeyûm ame û ewilî no mudurîyê tesîsan girewt.”

	 

	Hemşaredaranê Êlihî Mehmet Demîr û Songul Korkmaze ke hetê Wezaretê Karê Zerrî ra wezîfe ra ameyî girewtene û qeyûm tayînê vera înan ame kerdene, derheqê Mudirîyê Tesîsan ke vera ci de Mudirîyê Meslegî akerdî, eşkerayîyêka nuşteyî dayî. Hemşaredaran eşkerayîye xo de dîyar kerdî ke qeyûm bi zanayîşê şaş, şarî xeberdar keno û vatî: “Manîpulasyonê qeyûm yê şarî rast xeberdar nêkeno dewam keno. Qeyûm şarî ceza keno. Xebatî serdemê ma de ameyne astengkerdene. Nika zî bi manîpulasyonê qeyûm wazenê ke hîn çî bêrê kerdene. La pêro zanayîşî şaş ê. Ganî ma tesîsê ke xeylêk waran de mîyanê serrêke biqedênayîne, la seba astengîyan ma nêqedêna. Dima ra zî qeyûm ame û ewilî mudirîyê tesîsan girewt.