Doktora digane ke ci rê destûr nêame dayene vîrus ra cuya xo vindî kerde 

2020-05-18 15:02:12


	 

	MERKEZÊ XEBERAN - Cezayîr de doktora 8 aşme digane Wafa Boudissa ke destûr waşte û talebê aye ame redkerdene Vîrusê Korona ra cuya xo vindî kerde. Mudirê nêweşxaneyî ke destûr nêda Wafa gure ra ame girewtene.

	 

	Cezayîr de doktora 8 aşme digane Wafa Boudissa ke destûr waşte û talebê aye ame redkerdene Vîrusê Korona (Covid-19) ra 15ê Gulane de cuya xo vindî kerde. Ame zanayene ke Wafa seba ke digane bîye destûr waşta, la mudirê nêweşxaneyê watişê Wafa red kerdo. 

	 

	Badê ke doktor Wafa Boudisse cuya xo vindî kerde, Wezîrê Weşî Abdurrahman bin Buzeydî roja şeme waşt ke derheqê hedîse de tehqîqat bidîyo dest pêkerdene. Ame zanayene ke do tehqîqat ra dima dosya bierşawîyo mehkemaya hukmî.

	 

	Welat de çarçeweya tehdîranê Vîrusê Korona de kesê ke înan de nêweşîya kronîk esta, cinîyê digane û kesê hessasî hetê destûrgirewtişî de grûba yewine de ca gênî.