‘Gelo rijnayîşê goristanan dînê Îslamî de esto?’ 

2020-05-13 15:50:56


	 

	RIHA - Vera hêrişanê hemverê goristanan, Rêxistinê HDPyî yê Rihayî eşkerayîyêke da û vat: “Ma ê dîndaranê şima ra pers kenê? Rijnayîşê goristanan de dînê îslamî de esto? Dînê Îslamî de îşkence esto gelo? Dînê Îslamî de astengkerdiş û hêrişê vera merasîman esto gelo? Bêvengîya vera rijnayîşê goristanan tesdîqkerdişê sucî yo.”

	 

	Vera hêrişan hemverê goristanan de Rêxistinê Partîya Demokratîkî ya Şaran (HDP) ê Rihayî awanîya xo de kombîyayîşê çapemenîye viraştî. Parlamentera HDPyî ya Rihayî Ayşe Surucu û Omer Ocalanî zî beşdarê kombîyayîşî bî.

	 

	Parlamenter Omer Ocalanî dîyar kerd ke hêrişê vera goristanan dewamê polîtîkayê şerî yeno dewamkerdene yo û vat: “Merdeyê ê goran de seba ma merde nîyê. Fikr û cuya înan, mîyanê şarê ma de her wext yenê ciwîyayene. Hêrişê ercê şarê Kurdî kenê. Hêrişkerdişê goristanan, do tu serkewtiş nêkero destê înan. Hêriş, hêrsê şarê Kurdî zêdeyêr pîl keno. Do şarê Kurdî nê hêrişan ser o peyser game nêerzê. Do vera faşîzmî zî têkoşîn her wext pîl bibo.”

	  

	Hemsereka Rêxistinê HDPyî ya Rihayî Emîne Çetînere zî wina vat: “Wazenê bi hêrişan rewşe xirab bikerê. Rijnayîşê goristanan problemê komelî yo. Ma ê dîndaranê înan ra pers kenê? Rijnayîşê goristanan dînê Îslamî de esto gelo? Dînê Îslamî de îşkence esto gelo? Dînê Îslamî de astengkerdiş û hêrişê vera merasîman esto gelo? Bêvengîya hemverê rijnayîşê  goristanan tesdîqkerdişê sucî yo. Bêrê ma heme pîya vera caardişê sucî yo. Bêrê ma heme pîya vera caardişê îqtîdarî û polîtîkaya înan despotî, vengê xo berz bikerê û têkoşîn bikerê.”