Dîlane mecbûr mende vejîyo destûrê bêpere, nêeşkena deynê xo bido 

2020-05-13 13:51:40


	 

	Şehrîban Abî

	 

	WAN - Dîlan Yacane ke xebatkara kafeyî bî û seba vîrusî kargerî ame padayene û vejîya destûrê bê pere, nika nêeşkena deynê xo bido û vat: “Hacetê verê mi, mi bi teqsît girewtibi, deynê înan serê mi de mend. Ez seke cinîyêka têkoşînê cuye dana û çi heyf nê prosesî de mecbûr menda biewnî destê camêrdêko.”

	 

	Seba vîrusê korona xeylêk kargerî ameyî padayene û xeylêk kesî karê xo ra bî. Dimayê nê hemwelatî ameyî sewîyake nêeşkenê debara xo bikerê, heto bîn zî mecbûr mendî binê deynan de mendî. Dîlan Yacana ke AVMyî Wanî de xebityayîne da zanayene ke seba cayê kar rojê sîgortayê ci temam nêbîya, pereyê kargerî nêgîna û seba nê zî binê deyn de menda.

	 

	‘Ma kewtî zehmwtîyêko pîl’

	 

	Dîlane da zanayene ke bi vengdayîşê, ‘keye de bimano’ dir vejîyaya destûrê bê pere û wina vat: “Ez kafeyeke de xebityena. Kafe, merkezê dayîş û girewtişî bî. Seba nê qelebalix bi. Bi taybetî welatê bînan ra muşterîyê ma bî. No zî seba ma rîskêko pîl bi. Di hewte dima kargerî ame padayene. Mi verê vîrusî, seba keye hacetî girewtî bî. Teqsîdê înan bi. La dimayê kargerî ame padayene, ma wina mendî.”

	 

	‘Dermanxaneyan maske çin ê û do senîn pere bidê ma?’

	  

	Dîlane tewr peyîn vat ke aye seke cinîyêka têkoşînê cuye dana labelê nê prosesî de mecbûr menda destê pîyê xo ra ewnîyena û vat: “Seke mi bi hezaran cinî kewtî na rewşe. Ma welatêko wina ciwîyenê ke pêwa ke cinî têkoşîn de zî vejîyenê destûrê bê pere. Ma şinê dermanxaneyan maske çin ê. Gelo do senîn seba cinîyan pere bêro dayene? Tu tedbîr nîno girewtene.”