Hemşîreya 10 serran Hatîce: Hemşîretî keda ke nîna vînayene ya 

2020-05-11 14:59:47


	 

	ÎZMÎR - Hatîce Şekere dîyar kerde ke hemşîretî keda nîna vînayene ya û vat, pêwa her kar serê milê înan de yo, heqê vatişê înan çin o û wina vat: “Wa nasnayîşê karê ma baş bêro kerdene. Ma zî sewîyeya berardişî de vejîyê û meslegê xo bikerê.”

	 

	Endama SESî û hemşîreya 10 serran Hatîce Şekere derheqê prosesê pandemî de qalî kerde. Hatîce da zanayene ke hemşîretî açeryaya keda cinîyan ê keye de nîna vînayene û vat: “Bifikrîyê şima cayêko de yê. Şima uca de dest danê pêro çî. Karê doktor, laboratuvar, radyolojî, paqîtî û asayîşî şima konrol kenê. No qet nêqedêno. Beşo giran de xebityenê. Nêweşî roje de hîrê rey werd wenê. Beşo giran de psîkolojîyê xeylêk kesan xira beno. La ma bi xo bi xo yê. Yewin kesê ke nêvejîyê teber hemşîre yê. Pêwa nê keda cinîyan nîna vînayene.”

	 

	‘Heçşîreyê beşê giran pandemî ra nêameyî pawitene’

	 

	Hatîce da zanayene ke roje de tewr tay 10 kesî şinê odaya ke cil û belg yenê vurnayene û vat: “Çi heyf ma nê prosesê pandemî de nêameyî pawitene. Ma bi îmkananê xo pawitiş kerd. Hîrê lavabo estê. Pêro xebatkaran di lavabo xebitnayî. Di rojî verê hemşîreyêke testê ci pozîtîf vejîya û pêwa ke ameye îzolasyonkerdene zî kesê derûdorê ci de yê test nêame kerdene. 10ê Adare ra dima 11 hezar hemşîre ameyî tayînkerdene. La goreyê îzahatê wezîrî ê çend rojî verê 7 hezar û 428 xebatkarê weşîye bi korona kewtê.”

	 

	‘Hemşîre wayîrê vatişî nîyê’

	 

	Hatîce tewr peyîn wina va: “Çop ra bigî rê heta dosyayê kontrol kenê hemşîre yê. Labelê heqê vatişê înan çin o. Prosesê nika de zî ma çin ê. Heyeto zanistî ke peynî ame awankerdene de zî hemşîre çin ê. Wextê sererastkerdiş kenê zî çin ê. Nê prosesî de sendîkayê zerd verê ma de çinbî. Eynî wextî de xeylêk problemê hacetan esto. Maskeyê ke 2 saetan bêrê xebitnayîşî, ma 8 saetan xebitnayne. Ganî fehmê hemşîretî newe ra bêro zanayene.”