‘11 Gulane do bibo pêlo diyîn’ 2020-05-09 14:40:00   STENBOL - Rîskê vîrusê korona dewam keno û hukmat çarçewaya têkoşînê vera vîrusî de, îzahat da û qerar da ke 11ê Gulane ra dima tedbîran şenik bikerê. Seba nê zî endîşeyî zêde benê. Kedkarê perwerde û weşîye derheqê babete de qiseykerdî û babeta netîceyê nêbaş de îqaz kerdî.   Hukmatî çarçewaya têkoşînê vera vîrusê korona de dîyar kerd ke 11ê Gulane ra dima tedbîr bêrê şenikkerdiş û derheqê nê de zî endîşeyî zêde bî. Çarçewaya qerarî de caardişê îmtîhanê dekewtişê unîversîta, akerdişê kuafur û AVMyan esto. Goreyê zanistan na babeta vatişî do diyîn pêlê vîrusî zî xo dir bîyaro.   Kedkara weşîye Ferdahane Çakir Dogan û Sekteretera Cinîyan ê Şubeyê Hûmara 7 ê Egîtîm Senî Gamze Yildirime derheqê akerdişê kargerîyan de îqaz kerd û vat, nê tedbîrî rast nîyê.   ‘Nê tedbîrî bi tehluke yê’   Ferdane Çakir Dogane vat, seba rîskê vîrusî werte ra wirzo, nermkerdişê tedbîran xeylêk bi tehluke û şaş o û wina vat: “Kuafur û berber do 11ê Gulane de abibê. Ganî nê qerarî ra ageyrê. Ma heme zanenê ke kuafuran de mabêne çin o. Bi no hewa xizmet yeno dayene. Yanî têkilîyêko nêzdî babeta vatişî yo. Ewro ma nêşêrê kuafur û berberan çîyêk nêbeno. La akerdişê nê wareyan raştî de zî rîsk o.”   ‘Hişê merdiman nê caardişan nêgîno’   Gamze Yildirime zî vat, nê qerarî çarçewaya têkoşînê vera vîrusî de ameyê girewtene, do rayîr vera pêlêko newe abikero û wina vat: “Zanistî dîyar kenê ke tehlukeyê vîrusê dewam keno û rewşa ke tedbîr bêrê nermkerdene de do netîceyê giran vejîyê meydan. Bi taybetî îmtîhanê kewtişê unîversîte do demêko nêzdî de bêrê kerdene. No zî seba welat tehlukeyêko pîl o. Gerek îmtîhanî nêrê kerdene. Nê îmtîhanî ameyoxê domanan ser o tesîr keno.”