Zîndanê Sîlîvrî de 44 hepsîyî bi Vîrusê Korona kewtî 

2020-05-08 14:59:55


	 

	STENBOL- Zîndanê Tîpa Lyî yê Hûmara 7. ê Sîlîvrî de testê Vîrusê Korona ê 44 hepsîyan pozîtîf vejîya. 2 hepsîyê ke testê înan pozîtîf vejîyayî nêweşxane de yî û ê bînî zîndan de kerdî karantîna.

	 

	Serdozgerîya Komarî ya Bakirkoyî daye zanayene ke Dezgeyê Înfazî yê Zîndanê Sîlîvrî de 44 hepsî û hukmweran de Janê Vîrusê Korona (Covid-19) ame tespîtkerdene. Serdozgerîye eşkerayîya xo de wina va: “Badê ke testê 2 hepsîyan pozîtîf vejîya, 42 hepsîyanê bînan rê zî test ame kerdene. Testê nê hepsîyan zî pozîtîf vejîya. 2 hepsîyê ke testê înan pozîtîf vejîyayî nêweşxane de yî û ê bînî zîndan de kerdî karantîna.”