KCD: Şexsê Selma de ceza sîyasetê demokratîke rê dîya 

2020-05-07 16:25:57


	 

	AMED - KCDyî derheqê tesdîqê cezaya hemsereka verêne ya KCDyî selma Irmak de vat ke şexsê Selma de na ceza dîyaye sîyasetê demokratîke.

	 

	KCDyî derheqê tesdîqê cezaya hemsereka verêne ya KCDyî Selma Irmak de eşkerayîyêka nuştekîye daye. KCDyî îfade kerd ke Mehkemeya Berze Tirkî ya huqûqê mîyanneteweyî, edalet, têdûştîye û heqê rêxistbinbîyayîşî binpay kerdî û na ceza tesdîq kerde. 

	 

	KCDyî eşkerayîyêke da de wina vat: ''Na ceza şexsê Selma Irmake de pêro cinîyanê têkoşîneran, sîyasetê demokratîkî û şarê kurdî rê ameye dayene. Pê na polîtîka yeno waştene ke sîyasetmedarê kurdî, dezgehê kurdî ceza bigêrê. Bi nê hewayî dezgehê kurdan krîmînalîze kenê û sîyasetê kurdan fatisnenê. Pawitişê KCDyî pawitişê kurdan o, pawitişê çareserîya meseleya kurdan o. Heta ke meseleya azadîye ya şarê ma çareser biba, têkoşînê Kongreya Komelê Demokratîkî zî do dewam bikero. Utopyaya ma ya awankerdişê komelê demokratîkî rîxmê pêro zehmetîyan zî dewam kena.”