122 dezgehî vera hêrişanê Şaredarîya Qersî de reaksîyon ramojnayî  

2020-05-06 15:29:13


	 

	MERKEZÊ XEBERAN - Vera hêrişanê şaredarîya Qersî de 122 dezgehî eşkerayîyêke hempar de wayîrê şaredarîya Qersî vejîyayî û vatî: “Ma veng danê her kesê ke hetgirê demokrasîyî yê û ma vanê ke vera hêrişanê serê şaredarî de helwestê xo ramojnê û bêveng nêmanê.”

	 

	Vera kampanyaya hêrişê hemverê Şaredarîya Qersî ya Partîya Demokratîkî ya Şaran (HDP), 122 dezgehî eşkerarîyêke hempar dayî û hêrişê vera şaredarîye şermezar kerdî.

	 

	Metnê hemparî de nê çîyî ameyî vatene: ''Wextê vîrusê Korona de ame dîyene ke îdareyê  herêmîyî senî girîng ê. Şaredarîyê serkewteyî benê hedefê îqtîdarî. Şaredarîyanê Îstanbul, Adana û Mersînî ra dima nika zî Şaredarîya Qersî pê xeberanê manîpulatîfan bîye hedef. Qers şaristan o ke tede kurd, tirk, turkmen, laz, azerî, malakan pîya ciwîyenê. Weçînayîşê 31ê adare de HDP Serekîya Şaredarîya Qersî viste dest û deynê 400 mîlyonî zî dewr girewt. Vîrusê Korona ra dima Şaredarîya Qersî dest pê kampanyaya paştdayîşî kerd coka bîye hedefê îqtîdarî.

	 

	Vera Şaredarîya Qersî û hemşaredaran Ayhan Bîlgen û Şevîn Alaca bi hawayêkê nîzamî hêriş yeno kerdene. Îqtîdar zaf şaredarîyan rê qeyûm tayîn kerd. Qeyûm destsernayîşê heqê weçînayîşê şarî yo. Şik yeno kerdene ke Şaredarîya Qersî rê zî qeyûm bêro tayînkerdene.

	 

	Nebeno ke ma bêtesîrkerdişê îdareyan ê herêmîyan û tayînkerdişê qeyûman bêveng bimanê. Na bêvengîye do biba semedê çinbîyayîşê îradeyê şarî. Ma venga her kesî û dezgehanê demokrasî danê ke tewirê xo bimojnê hêrişanê vera Şaredarîya Qoserî û bêveng nêmanê.

	 

	Ma veng danê her kesî û dezgehê ke hetgirê demokrasî kenê ke vera hêrişanê serê Şaredarîya Qersî de helwestê xo ramojnê û bêveng nêmanê.”