‘Domanê astengdar û dayîkê înan prosesê vîrusî de tena mendî’ 

2020-05-05 13:57:18


	 

	Melîke Aydin

	 

	ÎZMÎR - Seda Çelîke dîyar kerde ke prosesê vîrusî de domanê astengdar û dayîkê înan zêdeyêr tena mendê û veng da ke ganê seba keyeyan paştdayîşo perwerde û psîkolojîk û şêwirmendî bêro dayene.

	 

	Bi vîrûsê korona dir, domanê otîzm yê ganî perwerdeyê taybet û  ewnîyayîşêk taybet bigirî û dayîkê înan zêdeyêr tena verdayî. Seda Çelîke a ke domanê ci zî otîzm o derheqê prosesî de qisey kerde.

	 

	Seda dîyar kerde ke seba problemanê zewacê xo de problemê bi domanê xo dir zî erey ferq kerdo û proseso peyîn de zî tena ameya verdene û vat: “Bar, xeylêk serê mi de mend. Çi domanê mi bibayîne zî mi girewtêne. No hîn zî bi hişmendîyê merdiman dir eleqedar o. Camêrdî zêde berpirsyarî nêgênê serê xo. Domanê astengdar bi taybet ganî mabêne emrê 0-6 de perwerdeyî bigîrê û dewlete tena hewte ra di saetan ders dana.”

	 

	‘Keyeyî tena ameyî verdayene’

	 

	Seda da zanayene ke keyeyê ke domanê înan astengdar estê, paştdayîşê psîkolojîk nêgînê û tena yenê verdayene û vat: “Seba rewşa domanan ma prosesêko zehmet ciwîyenê. Heme kesê ke wayîrê domanê wina yê zehmetîyê winasî vînenê. La ma tena yenê verdayene. Mamostetîyê astengdarê zîhnî karêko sebir wazeno yo. Gerek goreyê meslegî ruhêko taybet bibo. Karê karî giran o. Bi 1 yan zî 2 seansê taybet yê hewteyî bi domanan dir têkilî nêeşkeno bêro dayene. No zî vernîya prosesî gêno.”

	 

	‘Verê koronayî zî verê hukmî ma nêeşkayîne vejîyê’

	 

	Seda arde ziwan ke astengdarê cuyêka seke hepsî ciwîyenê, dimayê vîrusî zî rojanê zehmet ciwîyenê û vat: “Verê vîrusî zî ma zehmetî antêne. Ewnîyayîşê merdiman, bi îzolasyonê fîzîkî û komelî bi mîlyonan merdiman yenê hepskerdiş estê. Nê çîyêkê yenê ciwîyene hêvîdar a empatî awan bikerê. Ez û lajê xo Guneş nê çî musayî. La semedê kesê awanî de ciwîyenê, no proses bêguman zehmet o. Perweerdeyîyê dûrî zî zor û zehmetîyê karê keyeyî zêdeyêr keno. Ne semedê keyeyan ne zî semedê xebatkaran piştdayîşê psîkolojîk yenê dayene. Eynî wextî de ganî cuya hempar ê keyeyê esas bêro girewtene.”