Heyhan Elî: Herêmanê îşxalkerdene de cinî bi şîdetî dir rî bi rî manenê 

2020-05-02 13:54:23


	 

	 

	 

	Hesna Mihemed

	 

	ŞEHBA - Endama Rêxistinê Heqê Merdiman ê Herêma Efrînî Heyhan Elîye, derheqê kerdişê dewleta tirkî û komê girêdayê ci ê Efrînî ercna û vat: “Kerdişê wehşetî verê çimanê her kesî de yenê kerdene, verê ke hurmet însanan rê bêro ramojnayene û cinî bi şîdetî dir rî bi rî manenê.”

	 

	Dimayê hêrişê dewleta tirkî û komê girêdayî ci serê Herêma Efrînî de kerdiş û hedîseyê bêhuqûqî herêmê îşxalkerdişî de qewîmyenê. Welatîyê Efrînî êyê ke fek herra xo ra vera nêdayê û Efrîn de mendê, her roje rastê şîdetê komê girêdayê dewleta tirkî yenê. Bi amancê çinkerdişê îradeyê cinîyanê kurdan, Efrîn de cinî bi şîdetî dir rî bi rî manenê û xeylêk cinî zî remnayî û rewşa înan dîyar nîya. Derheqê babete de Endama Rêxistinê Heqê Merdiman ê Herêma Efrînî Heyhan Elîye, ercnayîş kerde û ma dir pare kerd. 

	 

	‘Bi destpêkerdişê serra 2020ine heta nika 21 cinî ameyê remnayene’

	 

	Heyhane destpêkê vatişanê xo de bale ente serê îşxalkerdişê herêma Efrînî û wina vat: “Dimayê ke dewleta tirkî û komanê çeteyan ê girêdayeyê ci, herêma Efrîn û dewanê ci îşxal kerdî, dest bi kerdiş û wehşetê xo yê vera şarê sivîl kerdî. Nê kerdişî heta roja ewro zî dewam kenê. Seke Rêxistinê Heqê Merdimanê ma hîn kerdişê dewleta tirkî yê serê cinîyan de serra 2020ine de belge kerdî. Bi destpêkerdişê serra 2020ine heta nika 21 cinî ameyê remnayene. Înan ra 2 cinî hetê komanê çekdaran ra Tîcarî yê merkezê Kantonê Efrînî ke nika açernayê zîndan, bi tecawizî dir rî bi rî verdayî. Netîceyê hêrişanê serê dewa Aqîbî ya Şêrewayî de, cinîya bi nameyê Fatma Elî, domano bi nameyê Sêrwêşt Hesenî û dewa Başemrî ya Şêrewa de zî cinîyêka bi nameyê Emûn Mensûre, cuya xo vindî kerdî. Tewr peyîn zî dewa Hêkiçî ya qezaya Şiyê Efrînî de cinîyêka emrê 80 serrî ya bi nameyê Fatma Ibrahîm Kine bi wehşet hetê komanê çeteyê girêdayê dewleta tirkî ra ameyî qetilkerdene. Heta nika nê pêro belgeyî kerdişê derheqê cinîyan de se kerdê yê.”

	 

	‘Kerdişê wehşetî verê çimanê her kesî de yenê kerdene’

	 

	Heyhane da zanayene ke goreyê çime û kesê ke bi çimanê xo benê şahidê hedîse, belgeyanê xo amede kenê û wina vat: “Wexto ke hedîseyêka zereyê herêmê îşxalkerdişî de qewimyeno, ma goreyê muşahade û kesê ke Efrînî de yê bi belgeyanê xo îspat kenê, nêzdî benê. Kerdişê wehşetî verê çimanê her kesî de yenê kerdene, verê ke hurmet însanan rê bêro girewtene, zulm kenê. Vengdayîşê ma rêxistinê heqê merdiman rê esto ke dewleta tirkî vindarnê û peynîya wehşetê înan bîyarê.”