Operasyono leşkerî yê Licê qedîya: 4 kesî hema yenê tepiştene 

2020-04-16 16:28:22


	 

	AMED - Operasyono leşkerî yo ke Licê de dîya destpêkerdene, qedîya. 4 kesê ke sereştişanê keyeyan de ameybî destbendkerdene qereqol de yenê tepiştene.

	 

	Qezaya Licê ya Amedî de deweka Spênî ya taxa Xirabê, taxa Çemê Elika û taxa Şelê de 14ê nîsane de operasyonêko leşkerî dîyabi destpêkerdene û leşkeran eştbi keyeyan ser. Sereştişan de zî 4 kesî ameybî destbendkerdene ke hema zî qereqol de yenê tepiştene. Operasyon şewe qedîya.

	 

	Wezaretê Karanê Zereyî zî derheqê operayonî de eşkerayîye dabî û derheqê Ferhat Onkolî vatbi ke ''Terorîs ame bêtesîrkerdene'' Ame zanayene ke eşkerayîya wezaretî raştîye ra dûr a û Ferhat Onkol merdimê Ceylane Onkol a ke Ceylane 2009 de pê hawana leşkeran amebî qetilkerdene.