TTB: Xebatkarê weşîye binê rîskî de yê 

2020-03-31 14:59:21


	 

	ENQERE - Serê tehlukeyê vîrûsê koronayî de TTBî anketêke bi xebatkarê weşîye dir viraştib û goreyê anketî xebatkarê weşîye dîyar kerdî ke her tewir kêmî estê û binê rîskêko pîl de xebityenê.

	 

	Yewîya Tabîbanê Tirkan (TTB) 20ê adare de semedê tehlukeyê vîrûsê koronayî, serê xebatkaranê weşîye dir anketêke dabî destpêkerdene. Netîceyê hewteyê diyîn ê anketî de ame eşkerakerdene. Hezar û 630 xebatkarê weşîye cewab dayî nê anketî û bale antî serê şertê negatîf yê xebate û kêmîyê hacetan. Xebatkarê weşîye dîyar kerdî ke nê kêmî dewam kenê û semedê teşhîsê taybet û tedawîyê perwerdeyî nêameyê dayene. Eynî wextî de dayî zanayene ke hûmara xebatkaran nêameya zêdekerdene û ê nêeşkenê problemê ke ciwîyenê neql bikerê.

	 

	Goreyê anketê TTByî xebatkarê weşîye dîyar kenê ke semedê vîrûsê koronayî cayêko cîya nêameyo temînkerdene û her tewir eşyayan de kêmî esto û binê rîskêko pîl de xebityenê.

	 

	TTB, veng da Wezaretê weşîye û dîyar kerd ke semedê xebatkarê weşîye bieşkê bi pandemîyê dir têkoşîn bikerê û ganî şertê înan bêrê başkerdene.