
Yewin roniştişê Mulkîye Esmeze siba yo

2020-03-31 09:03:02


	&nbsp;

	MÊRDÎN - Hemşaredara Dêrikî Mulkîye Esmeze ke qeyûm tayînê vera ci kerdî û dima ra ameye tepiştene, derheqê aye de îdianame ame amadekerdene û îdinameyî de îfadeyê şahidê nimte û protestoyê qeyûman seke, ‘delîlê sucî’ ame vînayene. Roniştişê yewin ê Mulkîye siba do bêro vînayene.

	&nbsp;

	Qezaya Dêrikî ya Mêrdînî de 31ê Adara 2019ine de weçînayîşê mintiqa de HDPyî se ra 69 rayî girewtî û serkewte bi. La hemşaredara Dêrikî 15ê teşrîna peyêne 2019î de ameye tepiştene û dima ra qeyûm tayînê vera ci ame kerdene. Mulkîye 5 mengî yo zîndanê Cinîyan ê Tarsusî de tepişnayeya û bi îdiayê ‘endamîya rêxistine’ ra yenê muhakemekerdene. &nbsp;Yewin roniştişê ci do siba (1ê Nîsan) 2yê Dadgeha Cezaya Giran ya Mêrdînî de bêro vînayene.

	&nbsp;

	Kombîyayîşê nasnayîşê namzedî seke suc ame hesibnayene

	&nbsp;

	Îdinameyî de îfadeyê xeylêk şahidê nimte seke delîl ameyî ramojnayîş. Sucdarîyê îdianameyê derheqê Mulkîye de ameyê amade kerdene ca girewt de, îdianameyê derheqê hemşaredara Şemrexî Nalan Ozaydine, ya Stewrî Gulîstan Oncuye û hemşaredara Qoserî Nîlufer Elîk Yilmaze de zî eynî sucdarî girewtî û ame îdiakerdene ke bi endamê rêxistine dir pêvînayîş ameyo kerdene û hetkarîya seba endamê rêxistine ameyê kerdene. Reyna sey îdianameyê hemşaredarê bîn, îdianameyê Mulkîye de zî 'beşdarbîyayîşê kombîyayîşê nasnayîşê namzedan' û protestokerdişê qeyûman û îzahatê çapemenîye suc ameyî hesibnayene.

	&nbsp;

	Zîndan de probleman cuyena

	&nbsp;

	Ame zanayene ke Mulkîye ya ke 5 mengî yo tepişnayeya, semedê rîşa merdimwerê kolonî derman bena û seba şertê zîndanî zî probleman cuyena.

	&nbsp;