
Merdimanê hepsîyan û xebatkaranê zîndanî vengdayîşê tedbîrî kerdî 

2020-03-31 09:01:29


	&nbsp;

	MÊRDÎN - Merdimê hepsîyan dîyar kerdî ke zîndanê Tîpê E yê Mêrdînî tena tedbîrê ke yenê girewtene peymitişê germbîyayîşê wucudî yo û vengdayîşê tehlîye kerdî. Gardîyayan zî da zanayene rewşa ke vîrus zîndanan de vejîyo meydan, do lezabez vila bibo û ganî tewr zêde tedbîr bêrê girewtene.

	&nbsp;

	Tirkîya de vîrusê korona ra 131 kesan cuya xo vindî kerd. Yew cayê ke tewr zêde binê rîskî de yê zîndan ê. Heta nika selahîyetdaran seba zîndanan zî tu tedbîr nêgirewtê. 3in paketa hukmî ya AKPyî de seba hepsîyê edlî, sucdarê îstîsmarî rê tahlîye abena, la hepsîyê sîyasî teberê na pakete de yê.

	&nbsp;

	Tena adirê wucudî pawenê

	&nbsp;

	Yeno vatene ke heta nika Mêrdîn de nêzdîyê 500 kesî binê karantînayî de yê û zîndanan de zî xêrcê peymitişê adirê wucudî çîyêk nîno kerdene. Keyeyan reaksîyon hemverê rewşe dayî û dîyar kerdî ke ganî lezabez zîndanî bêrê vilakerdene.

	&nbsp;

	Ame îdiakerdene ke zîndanê Tîpê E yê Mêrdînî de di hepsî kerdê binê karantîna û dimayê ke vînayê problem çin o, reyna kerdê koxuşan û vat, tena adirê wucudî yeno pawitene.

	&nbsp;

	Gardîyan: Ganî tedbîr bêrê girewtene

	&nbsp;

	Gardîyanan derheqê babete de dîyar kerdî ke hema çîyêk nêdîyê, la binê rîskêko pîlî de yê û vat: "Rewşa ke hedîse rî bida do vîrus bi lez vila bibo. Xêrcê peymitişê adirê wucudî tu tedbîr nîno girewtene.

	&nbsp;

	Cinîya hepsîyê bi nameyê Mehmet Sumbul, Bahar Sumbule zî da zanayene ke ganî zîndanî lezabez bêrê vengkerdene û vat: "Ma keye de yewbînan ra dûrî yê. Do koxuşan de hepsî xo senîn bipawê. Xeylêk kesî têhet de ciwîyenê. Zîndanî binê rîskê giran de yê. Rewşa tedbîran nîno girewtene û tahlîye nêrê kerdene do hepsî mergî dir rî bi rî bêrê. Ma nê qebul nêkenê. Do tecawizkaran serbest vera bidê, la do sîyasîyan verdê. No însanetî nîyo. Ganî lezabez pêro zîndanî bêrê vengkerdene."

	&nbsp;

	&nbsp;