ÎHDyî zîndanê Amedî ser o muşahedeyê xo pare kerd 2020-03-30 13:57:02   AMED - Şubeyê Amedî yê Komeleya Heqanê Merdiman (ÎHD) vera vîrusê Korona tepişteyanê Zîndanê Amedî de pêvînayîş kerd. Netîceyê pêvînayîşî zî pê eşkerayîyêka nuştekîye ameyî eşkerakerdene.   Eşkerayîye de ame vatene ke zîndanan de ame tesbîtkerdene je vera gefê nêweşîye tebdîrê pawitişî nêameyî girewtene.   Rapor de seba tebdîranê vera vîrusê Korona no waştiş ame kerdene:   “*Derheqê vurnayîşê qanûnê caardişê ceza de ganî şertê têdûştîye bêro caardene, wexto ke cezakerdiş yeno kêmkerdene mexdûrîya tepişteyan, dezavantajî wa bêrê ercnayene, bi hawayêkê nêtepişteyî bêrê hukmkerdene û no cade bibo qanûn.   *Seba ke tepişteyî bieşkê weşîya xo bipawê û xo pakî bikerê malzemeyê pakîye wa înan rê berê dayene, teber her roje bêrê dezenfektekerdene.   *Wa keyeyê tepişteyan, avûkatê înan û rayaumûmîye derheqê tebdîranê zîndanan ê vera vîrusî, caardişê karantîna û rewşa weşîye ya tepişteyan de bêrê zanayîşdayene.”