'Ganî cinî nê prosesî de piştdayîşê xo awan bikerê' 

2020-03-30 09:16:56


	 

	Dîlan Babat

	 

	ENQERE - Parlametnera Stenbolî ya HDPyî ya Zuleyha Gulume, dîyar kerde ke semedê vîrusê korona barê cinîyan yê ke keye de yê giran bîyo û vat şîdetê camêrdan zî zêde beno. Zuleyha vat: “Paketê ke îqtîdarî amade kerdê de cinî çin ê. Derheqê feqîrî û şîdetê cinîyan ser o de çîyêk nêameyo vatene. Ganî nê prosesî de cinî piştdayîşê xo awan bikerê."

	 

	Seba ke vîrusa koronayî tesîr serê pêro dinya kerdo, heme welatan de tedbîr yenê girewtene û Tirkîya de zî polîtîkayê keyeyê xo ra mevejîyê teber yenê kerdene. Hetêk ra no yeno vengdayene û heto bîn ra zî semedo ke însanî debara xo bikerê tu çîyêk nîno kerdene. Rojê vîyarte de Erdoganî çarçewaya vîrusî de pêşnîyaze seke, ‘dua’ û ‘sebrî’ kerd. Yew zî çîyê ke negatîf yenê ciwîyayîne, barê cinîyan û şîdetê serê cinîyan o.

	 

	Parlamentera HDPyî ya Stenbolî Zuleyha Gulume, derheqê paketa ke îqtîdarî eşkere kerd ercna.

	 

	'Do şîdetê camêrdan zêde bibo'

	 

	Zuleyha da zanayene ke şîdetê serê cinîyan zêde bibo û vat: "Îhtîmalêko pîl nika na rewşe xeylêk zêdeya la nîna vînayene. Semedo ke mekanîzmayê muracatî qels bîyê nika nînê vînayene. La rastîyêko wina rast vernîya ma de esto. Xora ma welatêko şîdetê camêrdan xeylêk esto de ciwîyenê. No prosesî de goreyê texmînanê ma hîna zêdeyêr bibo."

	 

	‘Efû do şîdetî zêde bikero’

	 

	Zuleyha vat ke sererastkerdişê qanûnî ke rojeve de yo, yeno vatene ke sucê hêrişê cinsî nêgîno mîyan, la goreyê vurnayîşê do sucê hêrişê cinsî vistişê înfazî û tahlîye do bi ca bêrê û vat: "Coka do hemverê cinîyan suckerdene zêde bibê. Gama ke sererastkerdene yeno kerdene gerek rewşa cinîyan zî verê çiman de bêra girewtene. Vistişê ceza yê sucê hemverê cinî û domanan de bi tu hawayî nîno qebulkerdene."

	 

	‘No proses do semedê cinîyan tewr zêde probleman vejo'

	 

	Zuleyha wina dewam kerde: "Çi heyf ke na rewşe ewro tewr zêde giran bîya. Cinî karê xo vindî kenê û bi feqîrî dir yenê rî bi rî. Nê prosesî de xo şîdetî ra xelaskerdene tewr zêde zehmet beno. No vîrus do cinîyan rê tewr zêde wareyê problemî awan bikero. Wextê peyînan de vatişê, 'keye de bê, zêdeyêr pakîtî bikerê' yeno vatene. No zî yeno na manaya ke karê cinîyan tewr zêde beno. Cinî her wext tewr zêde kede danê. Heyf ke camêrde ke keye de yê hetkarî nêkenê."

	 

	‘Gelo amadekarîya wezaretî esta'

	 

	Zuleyha tewr peyîn qiseykerdişê xo de wina vat: "Gelo wexto ke cinî rastê şîdetî bêro û muracat bikero, do hêzê asayîşî û edlîye bikewê tevger? Xeylêk edlîye semedê vîrusî bi usulê nobete nika xebityenê. Gelo xebatêka wezaretê dade û keyeyî na babete de xebatêka înan esta. Gelo do babete dir baş eleqedar bibê. Gelo yewîneyî ameyî awankerdene. Çi heyf pakete tena sermaye û hetgiranê înan rê vejîya."