
MED TUHAD-FED: Hepsî bi Vîrusê Koronayî ameyî tehdîdkerdene 

2020-03-29 14:51:54


	&nbsp;

	AMED - MED TUHAD-FEDî raporê xo yo hewteyane yê zîndanan amade kerd- Federasyonê Komeleyanê Paştdayîşê Huqûqî yê Bi Keyeyanê Tepişteyan û Hukmwerdeyan (MED TUHAD-FED) raporê xo yo hewteyane yê derheqê zîndanan de eşkera kerd.

	&nbsp;

	Eşkerayîye de ame parekerdene de zîndanî seba cuyêka bi weşîyêka başe pakî nîyê, vîrusê Korona ra ganî rewşa pêro tepişteyan ganî newe ra bêra ercnayene. Ame îfadekerdene ke çarçewa tebdîranê vera Korona de ganî zîndanî nêrê peygoşkerdene, mabênê tepişteyan de cîyatîye nêra kerdene.

	&nbsp;

	'Zîndanî rîskêko pîl de yê'

	&nbsp;

	Eşkerayî de ame vatene: ''Tay zîndanan de malzemeyê pakîye, dezenfektan û kolonya nêdîyenê tepişteyan. Zîndanî nênê dermankerdene.Koxuşan de ke ganî hûmara tepişteyan kêm biba, zaf tepişteyî neçarîye ra manenê. Wezîfedarê zîndanî bêtebdîrî şinê koxuşan. Tay zîndanan de tepişteyî nênê berdene bi nêweşxaneyan."

	&nbsp;

	'Cîyabîyayîş nînê qebulkerdene'

	&nbsp;

	Eşkerayî de ame vatene babeta tehlîyeyan de cîyayî yenê kerdêne û wina vat: "Pêketa hukmî de hepsîyê sîyasî ca nêgirewtî û cîyabîyayîş nîno qebulkerdene. Na nêweşîye bîya problemê merdimayî. Ma veng danê partîyanê sîyasî ke têduştîyê înfazî reyna kenê. Ma wazenê vera nê cîyabîyayîşî her kes reaksîyon ramojno. Wa komel û raya pêroyî bale bianco serê na babete." Eynî wextî de rapor de ame vatene ke hepsî bi Vîrusê Koronayî ameyê tehdîdkerdene."

	&nbsp;