Vera îhaleyê Kanal Stenbolî de reaksîyon 

2020-03-27 15:03:50


	 

	Gulîstan Azak

	 

	STENBOL - Nê rojê ke vîrusê korona vila bîyo û sîstemê weşîye de qelsî esto, projeyê Kanal Stenbolî de îhaleyê yewin ame kerdene. Aktîvîsta Pawitişê Daristananê Vakur, Ayşe Yikiciye vat, nê prosesî xo rê kerdî îmkan.

	 

	Sey pêro dinya Tirkîya zî vîrusê korona ra rojê zor û zehmet derbaz kena û heto bîn ra zî çarçewaya projeyê Kanal Stenbolî de, îhale viraştiş û barkerdişê pirda Odabaşi ya tarîxî yê Başakşehîr û Dursunkoyî yê tarîxî Arnavutkoyî kerdî.

	 

	Yewin îhaleyê projeyê hetê Wezaretê Binesazgehî û Vurnayîşî de bi ca ame, Yewinn Mudûrîyê Herêmî ya Rayîrê Bejayî yê Kagithaneyî ame akerdene. Texmînî şîyayeyê îhaleyî seke 566 hezar û 649 TL ame eşkerakerdene. Îdareyî 8 dosyayê îhaleyî girewt, la seba îhaleyî 5 pêşnîyazî ameyî kerdene. Pêşnîyazîyê fîrmayê Artuklu Mîmarlikî nêame hesibnayene û yê Mukarnas Mîmarlikî 500 hezar lîra, Hasan Fehmî Şahîn 550 hezar lîra, Safîr Jeoteknîk 507 hezar lîra, Altinparmak Mîmarlik zî 408 hezar lîra pere pêşnîyaz kerd. Dimayê cigêrayîşê ci do bêro eşkerakerdene.

	 

	Endama Bajarwanî û Mîmarîyê yê Unîversîteya Mîmar Sînanî Dr. Kevser Ertuke û aktîvîstê daristananê Vakur Ayşe Yikici Salgine dîyar kerde ke no vîruso ke vila bîyo de îhale ameo ca.

	 

	'Kerdî îmkan' 

	 

	Ayşe Yikiciye da zanayene ke prosesî ke no vîrus vila bîyo, îhale bi ca ardê û wina vat: "Nê kerdî îmkan. Ne merdimayî no qebul keno ne zî wijdan. Prosesêko ke sîstemê weşîye qels o û merdimî cuya xo vindî kenê de babêtêka wina de lezabez kenê. Ma nê fam nêkenê. Wexto ke merdim nê gêno verê çiman, no proses xo rê kerdê îmkan. No zî ewnîyayîşê Tirkîya hemverê nêweşîye ramojneno."

	 

	'Xizmetê weşîye qels ê la îhale yenê akerdene

	 

	Dr. Kevser Erturke ard ziwan ke netîceyê kêmîyê ekonomîye welat de, sîstemê perwerdî de problemî yenê ciwîyenê û wina vat: "Prosesêko wina de ke xizmetê weşîye xeylêk qels de, caardişê îhaleyê Kanal Stenbolî goreyê mi pirr şaş o. Ganî komel nê baş bivîno. dimayê nê vîrusî hewcedarîyê sereyîn nînê peydakerdene û xizmetê weşîye baş nînê kerdene. Prosesêko ke xizmet baş nînê dayene de îhale ca ardê la no şaş o. Tedbîr qels ê û nêweşî zî her ke şino zêde beno.”