'Wayîrê îrade û hemşaradaranê xo bivejîyê'  

2020-03-27 14:11:43


	 

	Rojda Aydin

	 

	ŞIRNEX - Hemsereka HDPyî ya Şirnexî Sabuha Akdage, derheqê tayînkerdişê qayûman ke tayînê şaredarîyê HDPyî ameyê kerdene de şîrove kerde û vat: "Îqtîdar, vera ke bi vîrusê koronayî ke tehdîdê temamê dinya rê waneno têkoşîn bikero, vera kurdan operasyonê qirkerdişê sîyasî dewam keno. La vera nê caardişan ganî ma wayîrê hemşaredarê ke îradeyê ma yê ma vejîyê. Vera nê bêhuqûqî ma do pîya vengê xo berz bikerê."

	 

	Nê rojê ke Tirkîya zî mîyan de pêro dinya bi vîrusê koronayî dir têkoşîn kenê. Wezaretê Karê Zereyî ê Tirkîya qeyûm tayînê Şaredarîyê Partîya Demokratîkî ya Şaran (HDP) yê Êlih, qezayê Erxenî, Farqîn, Lîcê û Gêlî yê Amedî, qezaya Norşînî ê Bedlîsî, bajarokê Xalfelî yê Îdirî û bajarokê Ciwanîka Sêrtî kerdî. Hemsereka HDPyî ya Şirnexî Sabuha Akdage derheqê qeyûmê ke tayînê şaredarîyan ameyî kerdene de qisey kerde û reaksîyon ramojna.

	 

	Sabuha, arde vîr ke îqtîdarê AKPyî qeyûm tayînê 8 şaredarîyê înan kerdo û vat: "Îqtîdar vera ke bi vîrusê koronayî dir têkoşîn bikero, hemverê kurdan operasyonê qirkerdişê sîyasî dewam kenê. Ma veng danê heme raya pêroyî yê dinya, demokratan, şar û kesê bi wîcdan kenê ke îradeyê şarê kurdî ke ameyo xespkerdene, wayîr vejîyê."

	 

	'Wayîrê îrade û hemşaredaranê xo vejîyê'

	 

	Sabuha, dewamê qiseykerdişê xo de wina vat: “Ma Em helwestê îqtîdarê AKPyî ke qeyûm tayînê şaredarîyê ma kerd, hemşaredarê ma destbend kerdî, ma seke darbeyêko vera îradeyê şarî û hem zî seke darbeyêko vera têkoşînê bi vîrusê koronayî dir vînenê. Ma nê qebûl nêkenê û nas nêkenê. Ma veng danê pêro şarê xo ke wayîrê îrade û hemşaredaranê xo vejîyê."

	 

	'Ma do pîya têkoşîn bikerê'

	 

	Sabuha, tayînkerdişê qeyûman şermezar kerde û tewr peyîn wina vat: "Komel, şubeyê koronayî yê kûr ra bi problemê cuye, fîzîkî û ekonomî dir rî bi rî mend. Îqtîdar verê ke qeyûm tayînê şaredarîyan bikerdêne ganî vernêde pawitişê şarî bifikirîyayîne. Bi tayînkerdişê qeyûmî dir vernê de şaredarîyê ke vera Covîd-19 tedbîr girewtêne girewt, darbe xebatê semedê weşîya şarî û pawitişê înan kerd. No qerar hem îradeyê şarî û hem zî weşîya şarî çin hesibneno. Ma wazenê hemşaredarê ke wezîfeyê xo ra dûr ameyê vistene, reyna ageyrê serê karê xo. Semedo ke no vengdayîş hem lazimîyêko komelî û hem zî huqûqî yo. Vengdayîşê ma pêro şaran rê esto ke vera polîtîkayê qeyûman saete 20.00 de vejîyê balkonanê xo çalakîya vengvetişî bikerê. Ma do pîya waîrê hemşaredar û îradeyê xo vejîyê. Vera nê bêhuqûqîyan ma do pîya vengê xo berz bierê."