
 Hepsîyo nêweş krîzê qelbî derbaz kerd 

2020-03-26 15:07:04


	&nbsp;

	MERKEZÊ XEBERAN - Sabrî Kayayo ke tepişteyanê nêweşan ra yew o, Zîndanê Osmanîye de krîzê qelbî derbaz kerd û ame berdene bi servîsê lezabezî.

	&nbsp;

	Sabrî Kaya tepişteyanê nêweşan ê Zîndanê Osmanîye ra yo ke 54 serre yo. Eşkera bi ke 25ê adare de Kayayî krîzê qelbî derbaz kerd û ame berdene bi nêweşxane.

	&nbsp;

	Rewşa ci baş nîya

	&nbsp;

	Kênaya Sabrîyî Dîlan Kaya ke xebera ANFyî de ca girewta rojnameger Zeynep Kuraye rê qisey kerd vat: ''Babîyê mi verê çimanê her kesî de kewt rewşêka bitehluke. Semedo ke îdareyê zîndanê dermanê babîyê peyda nêkerd, ey krîzê qelbî derbaz kerd.''

	&nbsp;

	Vengdayîşê seba wezaretê edaletî&nbsp;

	&nbsp;

	Dîlane vera hukmatî nêrazîbîyayîşê xo mojna ke paketa 3. ya dadgerîye ya kêmîyayîşê cezayan de tepişteyê sîyasîyî teber de verdayî û waşt ke weşkerdişê babîyê ci ra dima weşkerdişê ci keye de dewam bikero. Dîlane venga da û vat: “wezaretê edaletî seba naye têbigêro û eke rewşêka xirabe bêra meydan berpirsîyar do Wezaretê Edaletî û îqtîdar bê.”

	&nbsp;