Vîrusê korona tesîr serê xebatan de kerd 

2020-03-26 09:19:10


	 

	MÊRDÎN - Temsîlkara Sereka Komeleya Kultur û Hunerî ya Mezopotamyayî Sema Ozelasiye dîyar kerde ke semedê vîrusê korona mecbûr mendê ke mabêne bidê xebate û vat: "Ma serê înternetî ra derbazê perwerdeyê dûrî bî. Nika ma amadekarîyê xebatan kenê."

	 

	Semedê vîrusê korona xeylêk sazgehan mabêne dayî xebatanê xo. Yew nê sazgehan ra zî Komeleya Kultur û Hunerî ya Mezopotamyayî ya Qoserê Mêrdînî ya. Komeleye da zanayene ke semedê vîrusî wextêkê mabêne dayê xebatan. Temsîlkara Sereka Komelaye Semra Ozelasiye derheqê xebatê xo yê nê prosesî de ajansê ma rê qalî kerde.

	 

	'Ma sîstemê dûrî ra xebata xo kenê'

	 

	Semaye da zanayene ke semedê vîruso ke pêro dinya tehdîd keno, mabêne dayê xebatanê xo û vat, serê çapemenîya komelî de kursîyer û xebatkaranê xo rê neql kerdê û wina vat:"Ma nê prosesî de serê plansazî û xebatanê xo de vindertî. Semedo ke kursîyerê ma vila nêbê, ma do derbazê sîstemê perwerdeyê ê dûrî yanê serê înternetî de dewam bikerê. Nika ma xebatanê xo dewam kenê. Sere de erbane, gîtar, saz, koroya domanan û pêro xebatanê kulturî, ma do serê komê whatsappî de bi keyeyan dir pare bikerê. Ma do teknîkê cîya bixebitnê û falîyetanê xo dewam bikerê. Ma hewl danê ke nê hewteyî de bikerê."

	 

	'Ma do hewl bidê ke xebata ma vila nêbo'

	 

	Sema dewam de da zanayene ke bi ameyîşê wisarî dir plansazîyê cidî kerdibî û vat: "Ma hedef kerdib ke ma wisar de bi hawayêko aktîf derbaz bikerê. Ma xebatanê parkan û bi taybet bi domanan dir amade kerdêne. Semedê vîrusî ma mecbur mendî ke mabêne bidê. Heta ke destê ma ra bêro ma do hewl bidê ke xebatê ma vila nêbê. Ma hewl danê xo gane verdê."

	 

	'Ma do seke prosesê amadekarîyê ameyoxî biercnê'

	 

	Sema tewr peyîn qiseykerdişê xo de arde ziwan ke vîrus eşkeno her ca de tesîrê xo bikero û wina vat: "newe ra pêameyîşê ciwan û domanan ê hunerî do zehmet bo. Ma nika ra hewl danê ke nê têkilî xurt bikerê. Ma embazê ke xebate kenê serê xebatanê, esntruman û hunerî de vinderê. Ma do bi hawayêko xurt nê prosesî derbaz bikerê. Ma do nê prosesî seke amadekarîyê wextê ameyoxî biercnê."