
Zîndanê Sîncanî de testê hepsîyêkî pozîtîf vejîya 

2020-03-25 15:33:30


	&nbsp;

	ENQERE - Parlamenterê HDPyî Omer Farûk Gergerlîoglû, dîyar kerd ke Zîndanê Sîncanî de testê vîrûsê korona yî hepsîyêko 70 serrî pozîtîf vejîyayo.

	&nbsp;

	Parlamenterê Partîya Demokratîkî ya Şaran (HDP) yê Kocaeliyî Omer Farûk Gergerlîoglû, dîyar kerd ke Zîndanê Sîncanî de testê vîrûsê koronayî yê hepsîyêko 70 serrî pozîtîf vejîyayo. Omer Farukî, serê hesabê xo yê medyaya komelî de derheqê hedîse de nê zanayîşî da: "Zîndanê Sîncanî de çi heyf hepsîyêko 70 serre ke qawîşê L 2 C9 de maneno. Mudurê zîndanî rewşe wezaretî rê neql kerd."

	&nbsp;

	Omer Farukî, parekerdişê xo de Wezaretê Dade etîket kerd û vat: “Bi 2 hewteyo semedê rewşa lezabeze ya babete ser o qelqelênê, la ma eşkerayîyê nê çî peygoş kenê eşnawenê. Ganî lezabez paketê bi adîl, înfazê têduşt û hukmî vejîyo."

	&nbsp;