
Bîlançoya ewro ya Vîrusî: 16 hezar û 562 kesî cuya xo vindî kerdî 

2020-03-24 14:24:32


	&nbsp;

	MERKEZÊ XEBERAN - Pêroyê dinya de heta nika hûmara kesê ke Vîrusê Korona ra cuya xo vindî kerdî resaye 16 hezar û 562 kesan. Sewbîna 381 hezar û 786 kesî zî bi nêweşî kewtî.

	&nbsp;

	Vîrusê Korona (Covid-19) ke 12ê kanûna 2019î de bajarê Çînî yê Wuhanî ra vejîya raşte, vilayê pêroyê dinya bî. Pêroyê dinya de heta nika hûmara kesê ke Vîrusê Korona ra cuya xo vindî kerdî resaye 16 hezar û 562 kesan. Sewbîna 381 hezar û 786 kesî zî bi nêweşî kewtî û rewşa weşîye ya 101 hezar û 812 kesan zî baş bîye.

	&nbsp;

	Bîlançoya tewr giran ya Îtalya ya. Îtalya de heta nika 6 hezar û 77 kesî cuya xo vindî kerdî. 63 hezar û 927 hezar kesî zî bi nêweşî kewtî.&nbsp;

	&nbsp;

	Badê Îtalya û Çînî, Spanya yena. Spanya de 2 hezar û 311 kesî cuya xo vindî kerdî.

	&nbsp;

	Înan ra dima Îran yena û Îran hetê bîlançoya tewr girane de rêza 4. de yo. Îran de heta nika hezar û 812 kesî cuya xo vindî kerdî û 23 hezar û 29 kesî zî bi nêweşî kewtî.

	&nbsp;

	Fransa de zî heta nika 862 kesî cuya xo vindî kerdî û zêdeyê 20 hezar kesî bi nêweşî kewtî.

	&nbsp;