
Yewin roniştişê hemşaredaran 2yê Hezîrane de yo 

2020-03-23 15:21:08


	&nbsp;

	MÊRDÎN - Hemşaredara Qoserî Nîlufer Elîk Yilmaz û ê Stewrî Gulîstan Oncuya ke qeyûm tayînê vera ci bibi û tarîxê cîya de amebî destbendekerdene û tepiştene, îdianame derheqê înan de ame amadekerdene. Xebatê partîya sîyasî yê hemşaredaran suc ame hesibnayene û yewin roniştişê înan do 2yê hezîrane de bêro vînayene.

	&nbsp;

	Hemşardara Stewrî ya Mêrdînî Gulîstan Oncuye 15ê teşrîna peyêne 2019ine de ameye destbendekerdene û tepiştene. Dima ra zî qayûm tayînê vera ci kerdî. Hemşaredara Qoserî Nîlufer Elîk Yilmaze zî 4ê teşrîna peyêne 2019 de qeyûm tayînê vera ci bi û 15ê Kanûne de zî ameye tepiştene. Derheqê hemşaredaranê HDPyî Gulîstan û Nîlufere de tehqîqat amebi destpêkerdene, temamkerdene û îdianame ame amadekerdene. Bi sucdarîya ‘endamîya rêxistine’ îdianame ame amadekerdene û hetê 2yîn Dadgeha Cezaya Giran ya Mêrdînî ra ame qebûlkerdene. Yewin roniştişê hemşaredaran do 2yê Hezîrane de bêro vînayene.

	&nbsp;

	Îfadeyê şahidê nimte esas ame girewtene

	&nbsp;

	Îdianameyê ke hetê Serdozgerîya Komare ya Mêrdînî ra ame amadekerdene. Îfadeyê xeylêk şahidê nimte ca girewt. Eynî wextî de kombîyayîşê nasnayîşî namzedan ê verê weçînayîşî zî îdianameyî de ‘delîlê sûc’ ame hesibnayene.

	&nbsp;

	Xebata KCDyî suc ame hesibnayene

	&nbsp;

	Eynî &nbsp;wextî de reyna îfadeyê şahidê nimte yê bi nameyê 1KO3SOV0A8 esas ame girewtene û ame vatene ke Nîlufer Elîk Yilmaz û Gulîstan Oncuye bi sifatê delegeyê KCDyî yê Mêrdînî beşdarê kombîyayîşî bîyê.

	&nbsp;

	Îzahatê çapemenîye zî sey delîl ameyî ramojnayîş

	&nbsp;

	Dewamê îdianameyî de reyna beşdarbîyayîşê îzahatê çapemenîye yê Nîlufer Elîk Yilmaz û Gulîstan Oncuye û qiseykerdişê ke kerdê zî sey delîlê suc ameyî ramojnayîş.

	&nbsp;

	Îdianameyî de seba her di hemşaredaran bi îdiayê ‘hetkarîya rêxistine’ û ‘endamîya rêxistine’ waştişê ceza ame kerdene.

	&nbsp;