Şar semedê vîrusê korona tedbîrê xo gênê 

2020-03-21 13:31:38


	 

	Ruperîn Bakir

	 

	ŞEHBA - Xebatkarê Nêweşxaneyê Avrîn û Heyva Sorî ya Kurdî serê tedbîrê seba vîrûsê korona şîrove kerde û vat: “Semedo ke ma şarê xo vîrusê Korona bipawê, goreyê îmkanê bîyaye ma tedbîr gênê.”

	 

	Vîrûsê Korona yewin rey welatê Çînî vejîya û roj bi roje heme dinya vila bi. Temamê dinya de bi hezaran merdimî cuya xo vindî kerdî û zafê xo zî binê denetimê doktoran de karantîna de yê. Heta roja ewro zî tehlukeyê Vîrûsê Korona zêdeyîr beno. Semedê pawitişê şar Vîrûsê Korona, nêweşxaneyê Avrîn û Heyva Sorî ya Kurdî goreyê îmkanê tedbîr gênê. Derheqê vîrûsê Korona hemşîreyê nêweşxaneyê Avrîn û Heyva Sorî ya Kurdî şîroveyê xo pare kerdî.

	 

	‘Goreyê îmkanê bîyaye ma tedbîrê xo gênê’

	 

	Hemşîreyê nêweşxaneyê Avrîn, Selwe Ersilane tedbîrê ke girewtê wina vat: “Ma goreyê îmkanê kêm û abluqa hewl danê şarê xo vîrusê Korona û xeylêk nêweşîyê bînan ra bipawê. Heta nika Şehbayî de tu kes bi vîrusê Korona nêkewto. Verê ke şar derbazê nêweşxane bibo ma germbîyayîşê înan kontrol kenê û merdimo ke kuxikê înan bibo yan boya înan teng biba ma tehlîlan gênê û kenê odayêka cîya. Eynî wextî de wareyê nêweşxane de zî ma sînevîzyonêko derheqê vîrûsê Koronayî de serê ekranî de danê ro ke şar xo senîn vîrus ra bipawo pêşkêş kenê.”

	 

	‘Semedê pawitişê şarî vîrusê korona ma cîhaz dayo ro’

	 

	Endama Heyva Sorî ya Kurdî ya Kampa Serdemî, Zîlan Sîdoye serê vîrusê Korona de wina vat: “Ma bi rayîrê cihazî germbîyayîşê înan kontrol kenê. Goreyê îmkanê bîyaye ma pawitişê temamê şarê xo kenê. No cîhazêko ma ardo kampa Serdem û xoverdayîşî esto, semedo ke virus derbazê kampe nêbê do kaosêk awan bikero. Coka ma heta destê ma ra yeno pêwa îmkanê kêm ma tedbîran gênê.”