
Semedê korona merasîmê taybet seba Helebçe nêame kerdene 

2020-03-16 15:28:01


	&nbsp;

	MERKEZÊ XEBERAN - Semedê vîrardişê qirkerdişê Helebçe her serre merasîmê taybet ameyne kerdene. La semedê tersê vilabîyayîşê vîrûsê koronayî, emsar tu merasîm nêameyî kerdene. Tena hîn keyeyî şî serdayîşê goristanê Helebceyî.&nbsp;

	&nbsp;

	16ê Adara 1988ine de rejîmê Baasî yê Iraqî şaristanê Helebce kîmyavaran kerd. Netîce de 5 hezar kurdî ameyî qetilkerdene. Bi hezaran birîndar bî. Her serre semedê Helebçeyî, merasîmê vîrardişî yenê kerdene. La emsar semedê tersê vilabîyayîşê vîrûsê koronayî merasîmêko taybet nêame kerdene. Keyeyî her serre bi komî serdayîşê gorê şehîdan kerdêne. La seba vîrûsî emsar merasîm nêameyî kerdene. Ewro semedê vîrardişê Helebce, serdayîşê semedê goristanê Helebçeyî xeylêk kêm bî.

	&nbsp;

	Cinîya bi nameyê Xedîce heme Seîdî saete 7ê seherî de verê xo da goristan. Xedîce Rojnewsî rê qisey kerde û vat: "Emsar vanê, semedê nêweşîye tu merasîm nîno kerdene. Nasê mi yê şehîd xeylêk ê, ez nêzana bikewê xema kamî de. Dejêko pîl o."

	&nbsp;