Gulsum Agaoglu: Semedê multecîyan vera Covid- 19 ganî tedbîr bêrê girewtene 

2020-03-16 14:21:08


	 

	ENQERE - Verfeka Komîsyonê Multecîyan ê HDPyî Gulsun Agaogluye arde ziwan ke semedê multecîyan arde ziwan ke semedê vera Covid- 19 ganî tedbîr bêrê girewtene.

	 

	Verfeka Komîsyonê Multecîyan ê Partîya Demokratîkî ya Şaran (HDP) Gulsun Agaogluye derheqê virusê koronayî de îzahat dayî û wina vat: "Semedê multecîyan sînorî ganî hukmat tedbîrêko pîl bigîro."

	 

	Îzahat de ame vatene ke semedê şerê Îdlibî krîzê merdimayî her ke şino kûr beno. Coka ganî tedbîrê virusê koronayî semedê multecîyan bêro girewtene.

	 

	'Heme dinya de tedbîr yenê girewtene û Tirkîya binê talûkeyêko pîl de yê' 

	 

	Îzahat de ame vatene ke multecî sey hacetê bazarî yenê xebitnayene û wina vat: "Wextê ke sînor multecîyan rê ame girewtene û mabêne sînoran de ase mendî. Multecî mîyanê şerdê nêbaş de ciwîyenê. Warê pakîyî de îmkanê înan kêm ê. Coka multecî binê talûkeyêko pîl de yê."

	 

	'Wa multecî bêrê tedawîkerdene'

	 

	Dewamê îzahatî de wina ame vatene: "Problemê werdî, vêşanî, têşanî estê. Eke tedbîr nêrê girewtene, beno ke talûkeyê xeylêk pîl hetê vilabîyayîşê virusê koronayî de bibo. Wa multecî bêrê tedawîkerdene û tedbîrê pîlî bêrê girewtene."