Bazarê Keda Cinîyan de kitabxane ame awankerdene 

2020-03-16 14:02:56


	 

	Fîlîz Zeyrek

	 

	EDENE - Bazarê Ercnayîşê Keda Cinîyan de kitabxaneyêko kitabê domanan ra bigîrê, heta xeylêk kitabî ci de estê ame awankerdene. Esnafê bazarî semedê kesê ke yenê dayîş û girewtiş kenê û semedê hemwelatîyê taxe feyde kitaban ra bigîrê awan kerdî.

	 

	Taxa Havuzlubahçe yê qezaya Seyhanî ya Edeneyî, hewte ra di rey, Bazarê Ercnayîşê Keda Cinîyan yena awankerdene û no bajar hem wareyê komelbîyayîş û hem zî îstîhdamê cinîyan o. Bazarê ke şar eleqeyêko pîl ramojneno, kitabxane ame awankerdene. Esnafê cinî kitabê ke dorê xo kom kerdî, ardî bazarê kitabxaneyî de awan kerdî. Vera kitabxaneyî eleqeyêko pîl esto û cinî eşkenê kitaban bigîrê û biwanê. Cinî na rewşe ra xeylêk kêfweş ê.

	 

	Esnafê bazarî û zerrîwaşteyê kitabxaneyî Melhat Uysalsoye dîyar kerde ke semedê cinîyanê wayîrê hişmend û komelêko hişmend wendiş ferz o.

	 

	'Bazar de kitabxane beno?' 

	 

	Melahate da zanayene ke her çiqas ewnîyayîşêko ‘bazar de çi karê kitabxaneyî esto?' zî înan karêko baş kerdo û vat: “Ma yew embazêka xo zî kitab dayo heskerdene, no çîyêko zaf bi erc o. Ma qet zehmetî nêant. Ma pêro bi waştiş bî. Vernê de kitabê keyeyê xo kom kerdî. Dima ra welatîyê taxe piştdayîş dayî. Kitaban bexş kerdî. Nika hûmara kitaban zêde bena. Hedefê ma pîl o. Ma wazenê bazarê bînan ra zî kitabxaneyê wina awan bikerê."

	 

	'Ganî komelî teşwîqê wendişî bêrê kerdene'

	 

	Melahate arde ziwan ke dayeyê wendiş û nuştişî zêde benê û vat: "Yê wazenê bi şerdê ke dima ra bîyarê, eşkenê kitaban berê. Wextê ci çin o, la senîn biqedênê ganî bîyarê. Yê ke hewcedarîyê înan esto, ganî qeydê xo bikerê û dimayê wendişî bîyarê. Kitabê klasîkê yê dinya, nuştoxê ma, felsefe, roman, tarîx û yê domanan esto. Ez bi taybet pêşnîyarîyê cinîyan kena. Semedê vayîye kitaban, wendişê kitaban de zehmetî esto. Bi nê hawayî ma şansê xo yê wendişî awan kerd."