
Dadgehe 35 serrî da: Îstînafî bi beratî tehlîye kerd 

2020-03-16 13:38:39


	&nbsp;

	AMED - Dadgeha Herêmî semedê Azîz Orhanî yê sucê ‘hêrişa cinsî yê sîstematîk’ kerdib 35 serrî ceza birna la 7in Daîreyê Cezaya Dadgeha Edlîyeyî Herêmî ya Amedî ceza xira kerd û qerarê tahlîyeyê gumanbarî da.

	&nbsp;

	Bismilê Amedî Azîz Orhanî yê şoforê tekstîlêko bi, 2017 de hemverê domanêke hêrişê zayendî yê sîstematîk kerdib. Dimayê ke domane digane mende, tecawiz vejîya meydan û gumanbar 26ê Hezîrana 2018î de ame tepiştene. Serdozgerîya Komare ya Amedî îdianame amade kerd û heta 38 serrî ceza waşt. Semedê gumanbarî 2yîn Dadgeha Cezaya Giran ya Amedî ameyne muhakemekerdene 35 serrî ceza ame birnayene la dadgeha îstînafî ceza xira kerd û bi sebebê wesfê sûc vuryaw, qerarê tehlîye da.

	&nbsp;

	Rastê hêrişê cinsî ameye&nbsp;

	&nbsp;

	Îdianame de wina ame vatene: "Domana bi nameyê E.B ya Bismil de xebatkara fabrîkayê tesktîlî bî, rastê hêrişê cinsî yê şoforê kargerîyê Azîz Orhanî ameya. Domane bi sîleh ameya tehdîdkerdene û dimayê ke domane digane menda, hedîse vejîyaya werte û mexdûre gerre kerda. Gumanbarî îfadeyê xo de suc qebul nêkerdo û dimayê ke mexdûre domane arda dinya zî pitik ra gonî ameya girewtene û DNAyî de vejîya meydan ke pîyê domane/î Azazîz Orhan o.”

	&nbsp;

	Îdianame hetê 2yîn Dadgeha Cezaya Giran ya Amedî ra ame qebulkerdene. Îdianameyî dozger sucê cîya cîya ceza waşt. Heyetê dadgehe semedê gumanbar 35 serrî ceza birna. Eynî wextî de qerarê dewamkerdişê tepiştişê ci da.

	&nbsp;

	Îstîsnafî qerarê beratî da&nbsp;

	&nbsp;

	Avûkatê Azîz Orhanî 7in Daîreyê Cezaya Dadgeha Edlîyeyê Herêmî ya Amedî îtîrazê qerarî da. Dadgeha îstînafî qerarê dadgeha herêmî xira kerd û goreyê wesfê suc û cezaya ameye birnayene, qerarê tahlîyeyê gumanbarî da.

	&nbsp;