Domano ke newe ame dinya ci de vîrus ame tespîtkerdene

2020-03-14 15:06:33


	 

	MERKEZÊ XEBERAN - Badê bajarê Çînî yê Wuhanî ke vîrus ewja ra vejîya raşte Îngîltere de zî domano ke newe ame dinya de Vîrusê Korona ame tespîtkerdene.

	 

	Îngîltere de domano ke newe ame dinya de Vîrusê Korona ame tespîtkerdene. Dayîke verê doman bîyara dinya bi şikê zature muracatê nêweşxane kerdbî. Testê ke badê dogumî ameyî kerdene de vejîya raşte ke dayîke de nêweşîya Vîrusê Korona esta. Eynî testî doman ser de zî ameyî kerdene û vejîya raşte de domano ke newe ameyo dinya zî bi nêweşîya Vîrusê Korona kewto.

	 

	Doktorî doman ser de cigêrayîşan kenî ke no vîrusî pîzeyê dayîka xo de ya wextê bîyayîşê xo de girewto.

	 

	Aşma sibate de Çîn de zî dayîkêk digane û domano ke dayîke ardbî dinya de zî vîrus ameybî tespîtkerdene.

	 

	Heta nika dinya de 137 hezar kesan de vîrus ameyo tespîtkerdene û înan ra 5 hezar kesî merdî.