Gever de qeyûm esto: Awe çin a, xizmet çin o 

2020-03-11 12:56:28


	 

	COLEMÊRG - Gever de welatîyê taxa Esentepe dîyar kerdî ke dimayê qayûm tayînê şaredarîya Geverî bîyo, awe nîna û vatî, semedê domananê xo bişo vewre helênenê.

	 

	18ê teşrîna verêne 2019ine de semedê ke şaredarîya Geverî ya HDPyî, qeymeqamî Soman Dogramaci sey qayûm ame tayînkerdene. Şar vera xespkerdişê îradeyî rê bi reaksîyên ê. Welatîyê taxa Esentepeyî ardî ziwan ke bi mengan problemê awe ciwîyenê û kuçeyê nînê pakkerdene.

	 

	Hayat Akdogane da zanayene ke roje ra tena saetêka awe yena û vat: “5-6 mengîyo awe nîna. Kuçeyî pêro herî yê. Di rey ambulanse ameye la nêeşka bikewo cor. Ma mecbur mendî nêweşan heta nîmeyê rayîrî berê.”

	 

	Hasret Yîgîte zî da zanayene ke nêameyîşê awe înan zaf aciz kerdo û wina vat: “Problemê awe, çop û rayîr êdî sînor derbaz kerdê. Şaredarî xizmet nêkena. Verê qeyûman problem çinbi. Senîn qeyûm ameyî awe ameye birnayene. Ma nê zimistanî, zehmetîyê pîl ancenê.

	 

	Gozel Îşbîlîre zî reaksîyon ramojna rewşe û dîyar kerde ke reyan 3-4 rojan awe nîna û vat: “Reyan semedo ke domananê xo bişuwî, vewre helênena. Verê ma derdê xo şaredarî ra vatêne. La bi qeyûmî dir no zî wirza we. Rewşa ekonomîye xo ra baş nîya. Kes keyeyê ma de nêxebitîyeno. Mêrdeyê mi şaredarîye ra vetî.”